“Хөгжлийн банк”-ны гүйцэтгэх захирал Ким Жанг Жинтэй ярилцлаа.
-“Хөгжлийн банк” өдөр бүр 98 мянган ам.долларын хүү төлж байгаа хэдий ч Засгийн газрын төсөл хөтөлбөрүүд гараанаасаа гарч чадахгүй байгаагийн учир юу вэ. Эсвэл энэ мөнгийг зүгээр хадгалах өөр шалтгаан байна уу?
-Манай банкны үйл ажиллагааны чиглэл арилжааны банкуудаас өөр. Арилжааны банкууд ашигтай гэсэн төслүүдэд л хөрөнгө оруулалт хийдэг. Гэтэл манайх Засгийн газраас хэрэгжүүлж буй, Монгол Улсын хувьд стратегийн чухал ач холбогдол бүхий тэргүүлэх салбаруудын төсөл хөтөлбөрүүдийг санхүүжүүлдэг.
Хэдийгээр Засгийн газраас баталсан төслүүдэд мөнгө олгох боловч тодорхой үе шатыг дамжих ёстой. Нэгдүгээрт, төслөө батална. Хоёрдугаарт, санхүүжилт горилж буй байгууллагуудыг тодорхой шалгуур хангасан байхыг шаардана. Тухайлбал, Техник эдийн засгийн үзүүлэлт (ТЭЗҮ) гаргаж, төслийг бүрэн хийсэн байх ёстой гэх мэт. Үүний дараа шаардлага хангасан төслүүдийг Бараа, ажил үйлчилгээ худалдан авах журмын дагуу сонгон шалгаруулна.
Дараа нь манай банкны Зээлийн хороогоор оруулдаг. Зээлийн хороо тухайн материалыг шалган, хянаж, ТУЗ-д танилцуулах юм. Ингээд ТУЗ төсөлтэй танилцаж, хэлэлцсэний дүнд хөрөнгө оруулах эсэхийг шийдвэрлэдэг.
Засгийн газрын тогтоолд Монгол Улсын хөгжлийн банк стратегийн чухал салбарын төслүүдэд хөрөнгө оруулалт хийнэ гэж заасан. Үүний тулд тухайн хөрөнгөө яаж үр ашигтай зарцуулах вэ гэдэгт их анхаардаг.
-Одоогоор хэчнээн төслийг санхүүжүүлээд байна бэ?
-Бидний ажил удааширсан мэт харагдаж байгаа хэдий ч өнөөгийн байдлаар 27 төсөл, хөтөлбөрийг санхүүжүүлэх зөвшөөрөл олгосон. Үүнээс гадна 21 төслийн материалтай танилцаж байгаа. Дээрх 27 төслийг санхүүжүүлэхэд 532 тэрбум төгрөгийн хөрөнгө оруулалт шаардлагатай. Гэхдээ бид төсөл санхүүжүүллээ гэхэд бүх мөнгийг нэг дор өгөхгүй. Хөтөлбөрийн явцыг харж, үнэлж байгаад, хөрөнгө зарцуулалтыг нь хянасны дүнд дараагийн ээлжийн санхүүжилтийг хийх юм.
Өнөөдрийн байдлаар бид 93.3 тэрбум төгрөгийг төсөл хөтөлбөрүүдэд өгчихсөн байгаа. Тухайлбал, Улаанбаатар болон хөдөө орон нутагт хэрэгжих авто замын барилгын 13 төсөлд 46.5 тэрбум төгрөг олгосон. Замын зураг төслийн таван төсөлд 871 сая, замын хяналтын зөвлөгөө өгөх төслүүдэд 281.8 сая төгрөг олгосон.
Түүнчлэн жилийн зургаан хувийн хүүтэй орон сууцны төсөлд зарцуулахаар “Төрийн банк”-нд 30 тэрбум төгрөг өгсөн байгаа.
-Танай банк Монгол Улсыг хөгжүүлэх учиртай төслүүдийг санхүүжүүлнэ. Тиймээс олон нийтэд хардлага төрөх нь байх ёстой зүйл. Энэ онд “Хөгжлийн банк”-ны гүйцэтгэх удирдлага, ТУЗ-ын дарга нар солигдсон. Үүнд улстөрийн болон ашиг сонирхлын зөрчил байсан уу?
-Ч.Хашчулуун дарга энэ оны эхээр солигдсон. Түүнийг сольсонд улстөрийн сонирхол байсан гэж хэлж чадахгүй. Харин ТУЗ-ийн дарга Б.Батжаргал сонгуулийн дараа өөрөө хүсэлтээрээ гарсан. Б.Батжаргал ажлаа өгсний дараа Сангийн яамны Санхүү, эдийн засгийн бодлогын газрын дарга Б.Батбаярыг ТУЗ-ийн даргаар томилсон. Тиймээс үүнд эргэлзэж, хардлага тээх шаардлагагүй болов уу.
-Гэхдээ Б.Батжаргал дарга ажлаа өгснийхөө дараа ашиг сонирхлын зөрчил байсан гэх агуулгатай захидлыг Сангийн яам руу хүргүүлсэн. Үүнийг тайлбарлахгүй юу?
-Бидний үйл ажиллагааг “Хөгжлийн банк”-ны ТУЗ хянаж, хэлэлцдэг. Өөрөөр хэлбэл, ТУЗ бол “Хөгжлийн банк”-ны дээд байгууллага. Тиймээс ТУЗ-ийн талаар юу хэлэхээ мэдэхгүй байна. ТУЗ-ийн даргыг Засгийн газар томилдог. Манай тэргүүн дэд захирлын ажлын гэрээ дуусч, үүрэгт ажлаасаа чөлөөлөгдсөн. Тиймээс энэ албан тушаалд хүн авахаар хэд хэдэн өргөдөлтэй танилцаж байгаа.
Гэхдээ одоогийн байдлаар шаардлага хангасан материал ирээгүй л байна. Манай ТУЗ-д нэр дэвшүүлэлтийн хороо байдаг. Энэ хороо гурван хүнтэй ярилцсан ч одоогоор тэргүүн дэд захирлын албан тушаалд тэнцэх нэгнийг олоогүй л байна.
-“Хөгжлийн банк”-наас санхүүжүүлэх ажлуудаас “100 мянган айлын орон сууц” хөтөлбөр иргэдийн амьдралд шууд үр нөлөөгөө үзүүлнэ. Гэтэл “Хөгжлийн банк”-ны санхүүжилт орж ирэхгүй байгаагаас энэ ажил удааширч байгаа тухай яриа бий?
-Бид “Төрийн банк”-нд төсөл ёсоор 50 тэрбум төгрөг өгөх ёстой . Тэр шийдвэрийн дагуу эхний ээлжинд 30 тэрбум төгрөг өгсөн. Тиймээс “Төрийн банк” энэ мөнгийг зарцуулж дууссаны дараа ээлжит санхүүжилтыг хийх юм. Одоогоор зарцуулж дууссан эсэхийг мэдэхгүй. Ер нь бид дараагийн мөнгийг өгөхөд бэлэн байгаа.
“Төрийн банк” зээл хүссэн хүмүүсийн материалтай танилцаж, шаардлага хангасныг нь санхүүжүүлнэ. Бид есдүгээр сард 10, аравдугаар сард үлдсэн 10 тэрбумыг хийхээр төлөвлөсөн. Манай банк бие дааж шийдвэр гаргахгүй. Засгийн газрын холбогдох байгууллага, агентлагтай хамтарч ажилладаг. Зөвхөн манай банкнаас болж ажил удааширч байна гэж ойлгож болохгүй.
Манай банкны санхүүжүүлэх төслүүд нийгэм, эдийн засагт онцгой ач холбогдолтой, том хэмжээний бүтээн байгуулалтынх байдаг. Ер нь “Хөгжлийн банк” зөвхөн санхүүжилт олгох л үүрэг хүлээсэн. Төслийг хэрэгжүүлэгч нь өөр байгууллагууд.
Гэхдээ холбогдох яамдаас ТЭЗҮ нь хийгдээгүй, бэлэн бус төслүүд ирүүлж байна. Эдгээрийн эргэн төлөлт болон хэрэгжих эсэх нь тодорхойгүй учраас шууд санхүүжилт хийх боломжгүй. Бид арилжааны банкуудаас өөр, бодлого хэрэгжүүлэх чиглэлийн банк учраас төсөлтэй маш нарийн танилцаж, судлах шаардлагатай.
Их хэмжээний төслийг санхүүжүүлэхэд яагаад болгоомжтой хандаж байгаа гэхээр улсын төсвөөс эргэн төлөлт нь хийгддэг. Гэтэл тэр мөнгө татвар төлөгчдөөс л гарах учраас бид няхуур хандах учиртай.
Манай банкийг үүсгэн, байгуулснаас хойш богино хугацаа өнгөрч байна. Гэхдээ энэ хооронд багагүй ажил амжуулсан. Монгол Улсын хөгжил бидний үйл ажиллагаа хэр ахицтай байгаагаас хамаарна. Өөрөөр хэлбэл бид улс орны хөгжлийн өмнө үүрэг хүлээсэн. Засгийн газраас төсөл хэрэгжүүлэх тогтоол гаргамагц маргааш нь май гээд мөнгө өгч болохгүй.
-“Хөгжлийн банк”-ны үйл ажиллагаа хаалттай байдаг. Төрийн бусад байгууллага шиг олон нийтэд нээллтэй байж болдоггүй юм уу?
-Бололгүй яах вэ. Гэхдээ бидний хийж буй ажил нууцын зэрэглэлд багтах юм бол хамаагүй мэдээлж болохгүй. Бас төсөл, хөтөлбөрүүдийг судлах шатанд эцсийн шийдвэр гаргаагүй байгаа бол урьдчилаад хэлж бас болохгүй. Манайх удахгүй PR хариуцсан ажилтан авна. Ер нь бидэнд нууж хаах зүйл байхгүй. Учир нь бид Засгийн газрын төсөл хөтөлбөрүүдийг хэрэгжүүлдэг.
-“Хөгжлийн банк” улстөрөөс ангид байж чадах уу. Манай улстөрчид Засгийн газрын хөтөлбөрүүдэд оролцохыг санаархдаг нь нууц биш. Улстөрчдийн элдэв санаархал банкны үйл ажиллагаанд саад болдог уу?
-“Хөгжлийн банк”-ны хуульд бие даасан үйл ажиллагаа явуулна гэж заасан. Улстөрчид манай үйл ажиллагаанд нөлөө үзүүлэх боломжгүй. Учир нь манай хөтөлбөрийг УИХ баталдаг.
-Монгол Улс анх удаа хөгжлийн банктай болсон. Энэ байгууллага хэвийн ажиллахад хууль эрхзүйн орчин хангалттай байна уу?
-“Хөгжлийн банк”-ны хууль хэтэрхий баригдмал. Тиймээс бид Эдийн засгийн хөгжлийн яамаар дамжуулан зарим заалтыг өөрчлүүлэх талаарх саналыг парламентад өргөн барих гэж байгаа. Бид цаашид хуулиа барьж ажиллах учраас нөхцөл байдалд тааруулж хуулийг өөрчлөх шаардлага гардаг.
Одоогийн байдлаар яг юуг өөрчлөх шаардлагатайг хэлэхэд эрт байна. Парламент хэлэлцсэний дараа тодорхой болно.
-“Хөгжлийн банк” Монголбанктай хэрхэн хамтарч ажилладаг вэ?
-Арилжааны банк биш учраас бусдаас арай өөр. Тиймээс Монголбанк манайхыг шууд удирдахгүй. “Хөгжлийн банк” 100 хувь төрийн өмчийн бодлого хэрэгжүүлэгч банк. Гэхдээ банк биш хөгжлийн байгууллага гэж ойлговол зохино.
-Өнгөрсөн сарын эхээр АН-ын бүлэг хуралдсан. Тэр үеэр “Хөгжлийн банк” тооцоолсон ёсоор ажиллаж чадахгүй байна. Үр бүтээл багатай хэрнээ алдагдал ихтэй байна гэж шүүмжилсэн. Ер нь танайх алдагдал, зардлаа яаж нөхөх вэ?
-Бид Дунд хугацааны евро өрийн бичиг хэмээх бондын гэрээ байгуулсан. Тэрийг байгуулахдаа Сангийн яамтай Засгийн газрын баталгааны үндсэн нөхцөлийг тохиролцох гэрээг мөн байгуулсан. Энэ гэрээний дагуу бондоос орж ирсэн хөрөнгийн эх үүсвэрийг Монголбанкинд хүүгүйгээр байршуулна гэсэн. Тэгэхээр тэндээс ашиг орж ирэхгүй гэсэн үг. Манай бонд Засгийн газрын 100 хувь баталгаатай учраас энэ гэрээг байгуулсан юм.
Бид алдагдлаа нөхөхийн тулд орж ирсэн хөрөнгийн эх үүсвэрийг арилжааны банкуудад байршуулж, хүү тооцуулах тухай санал тавихад Сангийн яам зөвшөөрөөгүй. Шалтгаан нь арилжааны банкуудад хөрөнгөө байршуулах нь эрсдэлтэй гэж үзсэн учраас. Арилжааны банкуудын хувьд 680 сая ам.доллар хэтэрхий их тоо учраас эрсдэлтэй гэж үзсэн хэрэг.
Өнгөрсөн сарын 30-ны өдөр Засгийн газраас “Хөгжлийн банк”-ны хөрөнгийн эх үүсвэрийн чөлөөт үлдэгдлийг зарцуулах тогтоол гарч, энэ үлдэгдлийг Төвбанк, Засгийн газрын үнэт цаас болон арилжааны банкуудад вексель хэлбэрээр байршуулж болно гэсэн. Энэ тогтоол гарсны дагуу энэ сарын 17-нд Засгийн газрын баталгааны үндсэн нөхцөлийг тохиролцох гэрээнд өөрчлөлт гарсан. Тиймээс бид арилжааны банкуудад барьцаатайгаар хөрөнгөө байршуулах боломжтой болсон. Арилжааны банкуудад хөрөнгөө байршуулахаас гадна, орлого олох төслүүдэд хөрөнгө оруулахаар болж байна.
Эх сурвалж: Өглөөний сонин
-“Хөгжлийн банк” өдөр бүр 98 мянган ам.долларын хүү төлж байгаа хэдий ч Засгийн газрын төсөл хөтөлбөрүүд гараанаасаа гарч чадахгүй байгаагийн учир юу вэ. Эсвэл энэ мөнгийг зүгээр хадгалах өөр шалтгаан байна уу?
-Манай банкны үйл ажиллагааны чиглэл арилжааны банкуудаас өөр. Арилжааны банкууд ашигтай гэсэн төслүүдэд л хөрөнгө оруулалт хийдэг. Гэтэл манайх Засгийн газраас хэрэгжүүлж буй, Монгол Улсын хувьд стратегийн чухал ач холбогдол бүхий тэргүүлэх салбаруудын төсөл хөтөлбөрүүдийг санхүүжүүлдэг.
Хэдийгээр Засгийн газраас баталсан төслүүдэд мөнгө олгох боловч тодорхой үе шатыг дамжих ёстой. Нэгдүгээрт, төслөө батална. Хоёрдугаарт, санхүүжилт горилж буй байгууллагуудыг тодорхой шалгуур хангасан байхыг шаардана. Тухайлбал, Техник эдийн засгийн үзүүлэлт (ТЭЗҮ) гаргаж, төслийг бүрэн хийсэн байх ёстой гэх мэт. Үүний дараа шаардлага хангасан төслүүдийг Бараа, ажил үйлчилгээ худалдан авах журмын дагуу сонгон шалгаруулна.
Дараа нь манай банкны Зээлийн хороогоор оруулдаг. Зээлийн хороо тухайн материалыг шалган, хянаж, ТУЗ-д танилцуулах юм. Ингээд ТУЗ төсөлтэй танилцаж, хэлэлцсэний дүнд хөрөнгө оруулах эсэхийг шийдвэрлэдэг.
Засгийн газрын тогтоолд Монгол Улсын хөгжлийн банк стратегийн чухал салбарын төслүүдэд хөрөнгө оруулалт хийнэ гэж заасан. Үүний тулд тухайн хөрөнгөө яаж үр ашигтай зарцуулах вэ гэдэгт их анхаардаг.
-Одоогоор хэчнээн төслийг санхүүжүүлээд байна бэ?
-Бидний ажил удааширсан мэт харагдаж байгаа хэдий ч өнөөгийн байдлаар 27 төсөл, хөтөлбөрийг санхүүжүүлэх зөвшөөрөл олгосон. Үүнээс гадна 21 төслийн материалтай танилцаж байгаа. Дээрх 27 төслийг санхүүжүүлэхэд 532 тэрбум төгрөгийн хөрөнгө оруулалт шаардлагатай. Гэхдээ бид төсөл санхүүжүүллээ гэхэд бүх мөнгийг нэг дор өгөхгүй. Хөтөлбөрийн явцыг харж, үнэлж байгаад, хөрөнгө зарцуулалтыг нь хянасны дүнд дараагийн ээлжийн санхүүжилтийг хийх юм.
Өнөөдрийн байдлаар бид 93.3 тэрбум төгрөгийг төсөл хөтөлбөрүүдэд өгчихсөн байгаа. Тухайлбал, Улаанбаатар болон хөдөө орон нутагт хэрэгжих авто замын барилгын 13 төсөлд 46.5 тэрбум төгрөг олгосон. Замын зураг төслийн таван төсөлд 871 сая, замын хяналтын зөвлөгөө өгөх төслүүдэд 281.8 сая төгрөг олгосон.
Түүнчлэн жилийн зургаан хувийн хүүтэй орон сууцны төсөлд зарцуулахаар “Төрийн банк”-нд 30 тэрбум төгрөг өгсөн байгаа.
-Танай банк Монгол Улсыг хөгжүүлэх учиртай төслүүдийг санхүүжүүлнэ. Тиймээс олон нийтэд хардлага төрөх нь байх ёстой зүйл. Энэ онд “Хөгжлийн банк”-ны гүйцэтгэх удирдлага, ТУЗ-ын дарга нар солигдсон. Үүнд улстөрийн болон ашиг сонирхлын зөрчил байсан уу?
-Ч.Хашчулуун дарга энэ оны эхээр солигдсон. Түүнийг сольсонд улстөрийн сонирхол байсан гэж хэлж чадахгүй. Харин ТУЗ-ийн дарга Б.Батжаргал сонгуулийн дараа өөрөө хүсэлтээрээ гарсан. Б.Батжаргал ажлаа өгсний дараа Сангийн яамны Санхүү, эдийн засгийн бодлогын газрын дарга Б.Батбаярыг ТУЗ-ийн даргаар томилсон. Тиймээс үүнд эргэлзэж, хардлага тээх шаардлагагүй болов уу.
-Гэхдээ Б.Батжаргал дарга ажлаа өгснийхөө дараа ашиг сонирхлын зөрчил байсан гэх агуулгатай захидлыг Сангийн яам руу хүргүүлсэн. Үүнийг тайлбарлахгүй юу?
-Бидний үйл ажиллагааг “Хөгжлийн банк”-ны ТУЗ хянаж, хэлэлцдэг. Өөрөөр хэлбэл, ТУЗ бол “Хөгжлийн банк”-ны дээд байгууллага. Тиймээс ТУЗ-ийн талаар юу хэлэхээ мэдэхгүй байна. ТУЗ-ийн даргыг Засгийн газар томилдог. Манай тэргүүн дэд захирлын ажлын гэрээ дуусч, үүрэгт ажлаасаа чөлөөлөгдсөн. Тиймээс энэ албан тушаалд хүн авахаар хэд хэдэн өргөдөлтэй танилцаж байгаа.
Гэхдээ одоогийн байдлаар шаардлага хангасан материал ирээгүй л байна. Манай ТУЗ-д нэр дэвшүүлэлтийн хороо байдаг. Энэ хороо гурван хүнтэй ярилцсан ч одоогоор тэргүүн дэд захирлын албан тушаалд тэнцэх нэгнийг олоогүй л байна.
-“Хөгжлийн банк”-наас санхүүжүүлэх ажлуудаас “100 мянган айлын орон сууц” хөтөлбөр иргэдийн амьдралд шууд үр нөлөөгөө үзүүлнэ. Гэтэл “Хөгжлийн банк”-ны санхүүжилт орж ирэхгүй байгаагаас энэ ажил удааширч байгаа тухай яриа бий?
-Бид “Төрийн банк”-нд төсөл ёсоор 50 тэрбум төгрөг өгөх ёстой . Тэр шийдвэрийн дагуу эхний ээлжинд 30 тэрбум төгрөг өгсөн. Тиймээс “Төрийн банк” энэ мөнгийг зарцуулж дууссаны дараа ээлжит санхүүжилтыг хийх юм. Одоогоор зарцуулж дууссан эсэхийг мэдэхгүй. Ер нь бид дараагийн мөнгийг өгөхөд бэлэн байгаа.
“Төрийн банк” зээл хүссэн хүмүүсийн материалтай танилцаж, шаардлага хангасныг нь санхүүжүүлнэ. Бид есдүгээр сард 10, аравдугаар сард үлдсэн 10 тэрбумыг хийхээр төлөвлөсөн. Манай банк бие дааж шийдвэр гаргахгүй. Засгийн газрын холбогдох байгууллага, агентлагтай хамтарч ажилладаг. Зөвхөн манай банкнаас болж ажил удааширч байна гэж ойлгож болохгүй.
Манай банкны санхүүжүүлэх төслүүд нийгэм, эдийн засагт онцгой ач холбогдолтой, том хэмжээний бүтээн байгуулалтынх байдаг. Ер нь “Хөгжлийн банк” зөвхөн санхүүжилт олгох л үүрэг хүлээсэн. Төслийг хэрэгжүүлэгч нь өөр байгууллагууд.
Гэхдээ холбогдох яамдаас ТЭЗҮ нь хийгдээгүй, бэлэн бус төслүүд ирүүлж байна. Эдгээрийн эргэн төлөлт болон хэрэгжих эсэх нь тодорхойгүй учраас шууд санхүүжилт хийх боломжгүй. Бид арилжааны банкуудаас өөр, бодлого хэрэгжүүлэх чиглэлийн банк учраас төсөлтэй маш нарийн танилцаж, судлах шаардлагатай.
Их хэмжээний төслийг санхүүжүүлэхэд яагаад болгоомжтой хандаж байгаа гэхээр улсын төсвөөс эргэн төлөлт нь хийгддэг. Гэтэл тэр мөнгө татвар төлөгчдөөс л гарах учраас бид няхуур хандах учиртай.
Манай банкийг үүсгэн, байгуулснаас хойш богино хугацаа өнгөрч байна. Гэхдээ энэ хооронд багагүй ажил амжуулсан. Монгол Улсын хөгжил бидний үйл ажиллагаа хэр ахицтай байгаагаас хамаарна. Өөрөөр хэлбэл бид улс орны хөгжлийн өмнө үүрэг хүлээсэн. Засгийн газраас төсөл хэрэгжүүлэх тогтоол гаргамагц маргааш нь май гээд мөнгө өгч болохгүй.
-“Хөгжлийн банк”-ны үйл ажиллагаа хаалттай байдаг. Төрийн бусад байгууллага шиг олон нийтэд нээллтэй байж болдоггүй юм уу?
-Бололгүй яах вэ. Гэхдээ бидний хийж буй ажил нууцын зэрэглэлд багтах юм бол хамаагүй мэдээлж болохгүй. Бас төсөл, хөтөлбөрүүдийг судлах шатанд эцсийн шийдвэр гаргаагүй байгаа бол урьдчилаад хэлж бас болохгүй. Манайх удахгүй PR хариуцсан ажилтан авна. Ер нь бидэнд нууж хаах зүйл байхгүй. Учир нь бид Засгийн газрын төсөл хөтөлбөрүүдийг хэрэгжүүлдэг.
-“Хөгжлийн банк” улстөрөөс ангид байж чадах уу. Манай улстөрчид Засгийн газрын хөтөлбөрүүдэд оролцохыг санаархдаг нь нууц биш. Улстөрчдийн элдэв санаархал банкны үйл ажиллагаанд саад болдог уу?
-“Хөгжлийн банк”-ны хуульд бие даасан үйл ажиллагаа явуулна гэж заасан. Улстөрчид манай үйл ажиллагаанд нөлөө үзүүлэх боломжгүй. Учир нь манай хөтөлбөрийг УИХ баталдаг.
-Монгол Улс анх удаа хөгжлийн банктай болсон. Энэ байгууллага хэвийн ажиллахад хууль эрхзүйн орчин хангалттай байна уу?
-“Хөгжлийн банк”-ны хууль хэтэрхий баригдмал. Тиймээс бид Эдийн засгийн хөгжлийн яамаар дамжуулан зарим заалтыг өөрчлүүлэх талаарх саналыг парламентад өргөн барих гэж байгаа. Бид цаашид хуулиа барьж ажиллах учраас нөхцөл байдалд тааруулж хуулийг өөрчлөх шаардлага гардаг.
Одоогийн байдлаар яг юуг өөрчлөх шаардлагатайг хэлэхэд эрт байна. Парламент хэлэлцсэний дараа тодорхой болно.
-“Хөгжлийн банк” Монголбанктай хэрхэн хамтарч ажилладаг вэ?
-Арилжааны банк биш учраас бусдаас арай өөр. Тиймээс Монголбанк манайхыг шууд удирдахгүй. “Хөгжлийн банк” 100 хувь төрийн өмчийн бодлого хэрэгжүүлэгч банк. Гэхдээ банк биш хөгжлийн байгууллага гэж ойлговол зохино.
-Өнгөрсөн сарын эхээр АН-ын бүлэг хуралдсан. Тэр үеэр “Хөгжлийн банк” тооцоолсон ёсоор ажиллаж чадахгүй байна. Үр бүтээл багатай хэрнээ алдагдал ихтэй байна гэж шүүмжилсэн. Ер нь танайх алдагдал, зардлаа яаж нөхөх вэ?
-Бид Дунд хугацааны евро өрийн бичиг хэмээх бондын гэрээ байгуулсан. Тэрийг байгуулахдаа Сангийн яамтай Засгийн газрын баталгааны үндсэн нөхцөлийг тохиролцох гэрээг мөн байгуулсан. Энэ гэрээний дагуу бондоос орж ирсэн хөрөнгийн эх үүсвэрийг Монголбанкинд хүүгүйгээр байршуулна гэсэн. Тэгэхээр тэндээс ашиг орж ирэхгүй гэсэн үг. Манай бонд Засгийн газрын 100 хувь баталгаатай учраас энэ гэрээг байгуулсан юм.
Бид алдагдлаа нөхөхийн тулд орж ирсэн хөрөнгийн эх үүсвэрийг арилжааны банкуудад байршуулж, хүү тооцуулах тухай санал тавихад Сангийн яам зөвшөөрөөгүй. Шалтгаан нь арилжааны банкуудад хөрөнгөө байршуулах нь эрсдэлтэй гэж үзсэн учраас. Арилжааны банкуудын хувьд 680 сая ам.доллар хэтэрхий их тоо учраас эрсдэлтэй гэж үзсэн хэрэг.
Өнгөрсөн сарын 30-ны өдөр Засгийн газраас “Хөгжлийн банк”-ны хөрөнгийн эх үүсвэрийн чөлөөт үлдэгдлийг зарцуулах тогтоол гарч, энэ үлдэгдлийг Төвбанк, Засгийн газрын үнэт цаас болон арилжааны банкуудад вексель хэлбэрээр байршуулж болно гэсэн. Энэ тогтоол гарсны дагуу энэ сарын 17-нд Засгийн газрын баталгааны үндсэн нөхцөлийг тохиролцох гэрээнд өөрчлөлт гарсан. Тиймээс бид арилжааны банкуудад барьцаатайгаар хөрөнгөө байршуулах боломжтой болсон. Арилжааны банкуудад хөрөнгөө байршуулахаас гадна, орлого олох төслүүдэд хөрөнгө оруулахаар болж байна.
Эх сурвалж: Өглөөний сонин
