Дархан-Уул аймгийн “Од” цогцолбор сургуулийн 11 дүгээр ангийн нэг сурагч өчигдөр 9:50 цагт ангидаа санамсаргүй байдлаар хий шахжээ. Тухайн үед хичээл орж байсан бөгөөд тус ангийн гурван сурагч ухаан алдаж, хоёр хүүхдийн амьсгаа нь боогдон эмнэлэгт хүргэгдсэн байна. “Хий шахсаны ул­маас анги дотор байсан хүүхдүүдийн нүд нь аргаж, хоолой нь боогдсон” хэмээн багш нар нь мэдүүлжээ.

Энэ үйл явдлыг мэдсэн сургуулийн захиргаа шуур­хай арга хэмжээ авсны дүнд сурагчдад яаралтай тусламж үзүүлжээ. Одоо­гоор ухаан алдсан хоёр сурагч эмнэлэгт хэвтэж, нөгөө гурав нь эмчилгээ хийлгээд гэртээ гарсан бай­на. Цагдаагийнхан ямар зорилгоор хий авч явсныг нь тодруулахаар шалгаж эхлээд байгаа аж.

Эх сурвалж : "Өглөөний сонин"