“Universal” кино компанийн “Universal Studio”-аас мягмар гаригт "Halloween"-ний баяр зохион байгуулжээ. Европ даяар хамгийн өргөн тэмдэглэдэг баяруудын нэг болох аймшгийн баярт нэртэй дуучид, жүжигчид өргөнөөр оролцсон байна. Хөгжмийн ертөнцийн залуухан оддын нэг Жастин Бибер, Силена Гомез нар ч энэ баярт оролцов. Дельмонт зочид буудалд болсон Хэллоуиний баярыг найруулагч Эли Риот найруулсан байна. Хорвоо ертөнцийн хамгийн аймшгийн баатрууд нэг дор цугларсан  уг баярт  хамгийн сайн зүсээ хувиргасан одоор поп дуучин Коди Симпсон шалгарсан байна. Түүнчлэн уг баярыг зохион байгуулагчдын мэдээлснээр сүүлийн үед аймшгийн баярт Холливудын алдартай жүжигчид, дуучид   маш өргөн хүрээтэй тэмдэглэх болсон гэнэ. Харин Жастин болон Силена Гомез нарын хувьд Лас Вегаст болсон “The Ellen DeGeneres” шоунаас "Halloween"-ний баярт шууд уригдсан учраас аймшгийн баатруудад хувирах цаг хомс байсан аж. Түүнчлэн уг шоунд жүжигчин Парис Хилтон, Маттью Лауренсаас гадна Том Крузын хүү Конор Круйз нар мөн оролцжээ.