Тэрээр “Энэ захиаг хэн бичсэн нь тодорхойгүй байна. Захидлыг уншихад болхи, бүдүүлэг, зүгээр л нэг хараалын үгээр сүрдүүлсэн мэт харагдаж байгаа ч цаанаа нарийн зохион байгуулалттай, мэргэжлийн хүн бичсэн нь тодорхой. Захидлын утга санааг харахад  долдугаар сарын нэгэнтэй холбоотой генерал нар бичсэн юм шиг харагдуулахаар хичээсэн байсан.

Гэхдээ үүнийг саяхан  албан тушаалаасаа  халагдсан цагдаагийн хэдэн дарга нар, бүлэг этгээдүүд бичсэн гэж  бодож байна. Хууль зүйн сайдад ийм захиа ирүүлж чадаж байгаа юм чинь бусад энгийн иргэд, албан хаагчдад ямархуу дарам шахалт ирдэг нь үүнээс тодорхой харагдаж байна. Цаашид ч надад хаягласан иймэрхүү “Хайрын захиа” олон ирэх байх. Тэгэхдээ би энэ бүхэнд бууж өгөхгүйгээр өөрийн эхэлсэн ажлыг заавал дуусгах болно. Хэрвээ миний хэлээд хүсээд байгаа хууль, цагдаагийн дэд бүтцийг шийдчих юм бол иймэрхүү захианы эздийг бид тэр дор нь  илрүүлж чадна”  хэмээсэн юм.

Мөн тэрээр эмнэлгийг оффис болгох шийдвэрийг албан ёсоор гаргаагүй байгаа бөгөөд судалж буй гэдгээ дахин дахин илэрхийлж байлаа.

О.Одонтуяа