Нийслэлийн удирдлагын зөвлөлийн ээлжит хурал­даанаар нийс­лэлийн 2012 оны төсөвт нэ­мэлт өөрчлөлт оруулах ту­хай тогтоолын төслийг авч хэлэлцэв.

 Энэ талаарх мэдээллийг нийслэлийн Санхүү, эдийн засаг хариуцсан орлогч Н.Батаа танилцуулсан юм. Нийс­­лэлийн төсвийн ор­логыг нэ­мэгдүүлж, улсын төс­­вөөс нийслэлд олгох сан­хүүгийн дэмжлэгийн хэм­жээг 11 тэрбум төгрөг бай­хаар тогтоосон байна.

Энэ удаагийн төсөл нь нийслэлийн төсвийн бат­лагд­­сан төлөвлөгөөг 17 тэр­бум 468 сая төгрөг, хо­тын шуудын магадлалыг 10 тэр­бум 800 сая төгрөгөөр буу­руулсан тухай мэдээлэл байв. Төсвийг бууруулж, өөрчлөлт хийснээр Нийс­лэлийн хө­рөнгө оруулалтын газарт 20, Замын санд нэг, тэрбум төг­рөг, урсгал зардалд гур­ван тэрбум төгрөг нэмж зарцуулах боломтой болж байгаа аж.

Мөн 2012 оны төсвийн орлого эхний есөн сарын байдлаар 14 тэрбум төгрөг, давж биелсэн үзүүлэлт ч байгаа тухай мэдээллээ. Эдгээрийг тооцон төсөвт нэмэлт, өөрчлөлт хийж, төсөл боловсруулсан байна. Тухайлбал, цалин хөлс болон түүнтэй адил орлогын албан татварыг 5.4 тэрбум төгрөгөөр нэмэгдүүлэх, шинээр барьсан барилга байгууламжийг үл хөдлөх хөрөнгийн татварт бүрэн хамруулах зэрэг журмаар хотын төсөвт 228.5 сая төгрөг нэмэхээр төлөвлөжээ.

Харин төсвийн урсгал зардлын тухайд зарим өөрчлөлтийг хийсэн байна. Тодруулбал, НИТХ-ын аж­лын албаны бүтэц, орон тоо шинэчлэгдэн батлагдсантай холбогдуулан үйл ажил­лагааны зардлыг 175 сая төгрөг, НЗДТГ-ын үйл ажил­лагааны зардалд 325 сая төгрөг, гэр хороололд бай­гуулах Захирагчийн ажлын албаны зардалд 220, гэр хорооллын хог тээвэрлэх ажилд 578 сая төгрөг гэх мэтчилэн шаардлагатай төс­вийг холбогдох ажлын хэсгүүдийн зардалд нэмж олгохоор төсөлд тусгасан байна.  

Хэдийгээр дээрх мөнгийг шинээр нэмж төсөв­лөсөн ч анх нийслэлд батлагдсан төсөв 4.5 тэрбум төгрөгөөр, нийслэл болон дүүргүүдийн урсгал зардлын хэмжээ  2.7 тэрбумаар буурч байгааг ажлын хэсгийнхэн онцлов. 

Эх сурвалж: "Өглөөний Сонин"