УИХ-ын Байгал орчин, хүнс, хөдөө аж ахуйн байнгын хорооны хуралдаанаар Үйлдвэр, хөдөө аж ахуйн яам, Байгал орчин, ногоон хөгжлийн яамны ирэх жилийн төсвийн төслийг хэлэлцлээ.

Энэ үеэр Үйлдвэр, хөдөө аж ахуйн сайд Х.Баттулга "Энэ оны болон ирэх жилийн буудайн урамшуулалд нийт 30 тэрбум төгрөг дутуу байгааг төсөвт нэмж суулгах хэрэгтэй" гэв.

Х.Баттулга сайдын танилцуулснаар тус яамны ирэх оны урсгал зардлыг 312.9 тэрбум хөрөнгө оруулалтыг 121 тэрбум төгрөг байхаар төсөвлөжээ. Улаан буудайн үйлдвэрлэлийн тонн тутамд өмнө нь 50 мянган төгрөгийн урамшуулал үзүүлж байсан бол түүнийг 100 мянган төгрөг болгон өсгөөд байгаа аж.