Өнөөдөр УИХ дахь намын бүлгүүд, ажлын хэсгүүдийн хуралдаан болно. Хурлын тов болон хэлэлцэх асуудлуудыг хүргэж байна.

Нэг. УИХ дахь намын бүлгүүдийн хуралдаан:

•Улсын Их Хурал дахь Ардчилсан намын бүлгийн хуралдаан 10.00 цагаас “А” танхимд;
•Улсын Их Хурал дахь “МАХН-МҮАН”-ын Шударга ёс эвслийн бүлгийн хуралдаан 10.00 цагаас “В” танхимд;
•Улсын Их Хуралд Монгол ардын намаас сонгогдсон гишүүдийн хуралдаан 10.00 цагаас “Б” танхимд.

Хоёр. Ажлын хэсгүүдийн хуралдаан:

•Эдийн засгийн байнгын хороо, Сангийн яамнаас хамтран зохион байгуулах “Үнэт цаасны зах зээл болон хадгаламжийн даатгалын хууль, эрх зүйн орчинг сайжруулах нь” сэдэвт семинар 10.00 цагаас Пума Империал зочид буудлын хурлын танхимд;
•Улсын Их Хурлын эмэгтэй гишүүдээс зохион байгуулах “Жендэрт суурилсан хүчирхийллээс урьдчилан сэргийлэх нь” сэдэвт хэлэлцүүлэг 14.00-18.00 цагт “Б” танхимд;
•Хэвлэл мэдээллийн эрх чөлөөний тухай болон дагалдах бусад хуулийн төслүүдийг хэлэлцүүлэгт бэлтгэх үүрэг бүхий Төрийн байгуулалтын байнгын хорооны Ажлын хэсгийн хуралдаан 15.00 цагаас “А” танхимд;
•Олон нийтийн радио, телевизэд зарим хуулийн хэрэгжилттэй танилцах Төрийн байгуулалтын байнгын хорооны Ажлын хэсгийн хуралдаан 16.00 цагаас “В” танхимд тус тус болно.