О.Чулуунбатын хэрэг прокурорт хянагдаж байна
    
О.ЧулуунбатМонголбанкны ерөн­хий­лөгч асан, Эдийн засаг хөгжлийн дэд сайд О.Чулуунбатад холбогдох хэр­гийг АТГ-аас Нийслэлийн про­курорын газрын хяналтад шил­жүүлжээ. Түүнийг “Ал­бан тушаалын эрх мэдлээ хэт­рүү­­лэн ашигласан” хэмээн шал­гаж байсан ч гишүүнийх нь бүрэн эрхийг УИХ-аас түд­гэлзүүлээгүй учир хэргийг Нийс­­лэлийн прокурорын газ­раас түр түдгэлзүүлээд байсан. Ха­рин сонгууль дууссаны да­раа түүний хэргийг сэргээн шал­гаж эхэлсэн билээ. О.Чу­луун­бат нь Монголбанкны ерөн­хийлөгчөөр ажиллаж байхдаа ал­бан тушаалаа хэтрүүлэн ашиг­лаж, тус банкны Валютын газ­рын захирал Ч.Одонтуяатай нийлж, 11 тэрбум, Жорж Чал­мерс­тай хамтарч 35 тэрбум төг­­рөг завшсан хэрэгт буруут­гаг­­даад байгаа. Хэрвээ гэм бу­руутай нь тогтоогдвол эрүүгийн хуулийн 264.2-т зааснаар тодор­хой албан тушаал эрхлэх, үйл ажил­лагаа явуулах эрхийг гур­ван жил хүртэл ху­гацаагаар хасч хөдөлмөрийн хөлс­ний доод хэмжээг 51-100 да­хин нэмэг­дүүл­сэнтэй тэнцэх хэмжээний төг­рөгөөр торгох, гурваас дээш зур­гаан cap хүртэл хугацаагаар баривчлах, эсхүл таван жил хүр­тэл хугацаагаар хорих ял, 150.3-т зааснаар эд хөрөнгийг нь хурааж, таваас дээш ар­ван жил хүртэл хугацаагаар хорих ажээ.

УИХ-ын гишүүн асан Д.Дондогийг яллагдагчаар татна
    
Д.ДондогУИХ-ын гишүүн асан Д.Дон­­догийг өөрийн тус­­­лах Д.Сайнбаяраар дам­­жуу­лан 2008 оны хоёрдугаар са­рын 8-нд орон сууц барих газ­рын зөвшөөрөл авч өгнө гэж мэх­лэн ”Меридан” компаниас 242 000 ам.доллар, 400 сая төг­рөг авсан байдаг. Энэ хэрэгт нь түүнд эрүүгийн хэрэг үүс­­гэн шалгаж байсан ч УИХ-ын гишүүний бүрэн эрхийн асууд­­лаас болж тодорхойгүй шалт­гаанаар түдгэлзүүлээд байсан юм. Харин 2012 оны УИХ-ын сон­гуулийн дараа хэргийг сэр­гээн шалгаж, хэргийг нэ­мэлт мөрдөн байцаалтад бу­цаа­гаад байна. Гишүүн бус­даас залилан авсан мөнгөө сон­гуулийн сур­тал­чилгаандаа зар­цуулсан нь тог­тоогдоод бай­гаа юм. Уг хэ­­рэгт Д.Дондог, Г.Сайн­баяр А.Бат­билэг, Б.Бат­хүү, Б.Баа­сан­хүү, А.Ариун­болд, Д.Шир­нэн­­дорж, Д.Бат­тулга нарын 10 га­руй хүн хол­богджээ.

БЗД-ийн Засаг дарга Б.Батзориг нарт холбогдох хэрэг мөрдөн байцаалтын шатанд байна

Б.Батзориг “Мянганы сорилтын сан”-гаас хэрэгжүүлж байгаа “Цэ­вэр агаар” төслийг хэ­рэгжүүлэх хүрээнд энэхүү тө­сөлд зарцуулагдах мөнгийг нэр бүхий хүмүүс  завшсан хэр­гийг Нийслэлийн прокурорын га­зар шалгаж байгаа. “Мянганы со­рилтын сан” “Цэвэр агаар” төс­­лийн хүрээнд нийслэлд амь­дарч байгаа амьдралын төвшин доо­гуур иргэдэд өгөх гэрийн ду­лаалга, бүрээсэнд зарцуулах хөрөн­гийг Баянзүрх дүүргийн зарим хорооны Засаг дарга нар, “Хас” банкны зарим ажилчид бо­­лон хувийн компанийн удирд­ла­гуудтай хуйвалдаж, хувьдаа завшчээ. Энэ хэрэгт Баянзүрх дүүргийн хороодын Засаг дарга нар, мөн дүүргийн Засаг дарга Б.Батзориг, “Сэлбэ дулаан” ХХК-ийн захирал Н.Мөнхтогтох на­рыг холбогдуулан шалгаж  бай­гаа бөгөөд одоогоор мөрдөн байцаалтын ажиллагаа явуулж байгаа юм байна.

“Увсын хоёр”-ын хэрэг прокурорт шилжлээ

Ч.Хү­рэл­баатар Б.Чойжилсүрэн2012 оны УИХ-ын сонгуульд Увс аймагт МАН-аас нэр дэвшин өрсөлдсөн Б.Чойжилсүрэн, Ч.Хү­рэл­баатар нар суртал­чил­гааны үеэр “байрыг нь тү­рээ­сэл­сэн” гэсэн хуурамч ба­римт үйлдэн иргэдэд 100 000 төг­рөг тараасан хэрэг гарч, ба­рим­таар нотлогдсон билээ. Хэр­гийг эхлээд Увс аймгийн таг­нуулын байгууллага шалгаж бай­сан. Харин өнгөрсөн сард ТЕГ-ын Мөрдөн байцаах хэл­тэст шилжүүлсэн юм. ТЕГ мөр­дөн байцаалтын ажиллагаа явуулж дууссан бөгөөд яллах дүг­нэлт үйлдэж, прокурорын бай­гууллагад шилжүүлэхээр бол­сон байна. Хэрвээ тэдний гэм буруутай нь тогтоогдвол УИХ-ын гишүүнээс эргэн татах асуу­дал яригдах юм.

Д.Батхуягийн хэргийг прокурорт шилжүүлжээ

Д.БатхуягАшигт малтмалын газ­рын даргаар ажиллаж байх­даа албан тушаа­лаа урвуулан ашигласан хэ­рэгт буруутгагдаад буй Д.Бат­хуягт холбогдох хэргийг Ав­лига­тай тэмцэх газарт шалган мөр­дөн байцааж дуусаад, ял­лах дүгнэлт үйлдүү­лэхээр Нийс­лэ­лийн прокуро­рын газарт шил­жүүл­жээ.
Д.Батхуяг нь АМГ-ын дар­гаар ажиллаж байхдаа эрх мэд­лээ хэтрүүлэн ашиглаж, 120 орчим лицензийн зөвшөөрлийг хууль бусаар бусдад олгосон, “Саусгоби Сэндс” компанийн хай­гуулын ашиглалт нь дууссан таван лицензийн дөрвийнх нь эрхийг сэргээж, нэг лицензийг найз, “Зэлэм” компанийн за­хи­­рал н.Жаргалсайхан гэг­чид өгсөн хэрэг үйлдсэн нь тог­тоог­доод байгаа юм.

Э.Цасчихэр нарын хэргийн нэмэлт мөрдөн байцаалт дуусчээ
 
Э.ЦасчихэрУвс аймгийн Засаг дарга Э.Цасчихэр, ИХТ-ийн дарга Д.Батсайхан нарт холбогдох хэрэг удаан ху­гацаанд сунжирсаар байна. Тэдний хэрэгт холбогдуулан АТГ-аас мөрдөн байцаалт явуулж, Нийслэлийн про­ку­ро­рын газраас хяналт тавьж ажил­ла­сан. Улмаар прокурорын газ­раас яллах дүгнэлт үйлдэж, Хан-Уул дүүргийн шүүхэд шил­жүүлсэн. Хан-Уул дүүргийн шүүхээс тэднийг гэм буруутайд тооцож, Э.Цасчихэрийг албан тушаал эрхлэх эрхийг нь хоёр жилээр хасч, гурван жил хорих, Д.Батсайханыг мөн ху­гацаагаар албан тушаал эрх­лэх эрхийг нь хасаад, хоёр жил хорих ялыг анхан шатны шүүх ногдуулсан юм.  Гэвч тэд Нийслэлийн шүүхэд давж заалд­сан. Харин Нийслэлийн шүү­хээс  мөрдөн байцаалтын за­рим ажиллагаа дутуу байна гэж үзэж, мөрдөн байцаалтын ша­танд буцаасан. Тэгвэл мөр­дөн байцаалтын ажиллагаа хийг­дэж дуусч байгаа ажээ.


Б.Болор
Эх сурвалж: "Монголын Мэдээ"