ОХУ-ын жүдо бөхийн холбооноос санаачлан “IJF” буюу “Олон улсын жүдо бөхийн холбоо”- той хамтран 66 кг-ын жингийн дэлхийн шилдэг жүдочдын халз тулаан ирэх сарын 15-нд зохион байгуулагдахаар болжээ.
Уг тэмцээнд дэлхийн шилдэг 16 бөх халз барилдах аж. Энэ жингийн ангилалд өдгөө Япон, Өмнөд Солонгос, ОХУ-ын жүдочид ноёлж байна. Гэсэн ч дэлхийн шилдэг жүдочдын халз тулаанд дэлхийн аварга, Монгол Улсын Хөдөлмөрийн баатар, Гавьяат тамирчин Х.Цагаанбаатар зодоглохоор болжээ.
Зохион байгуулагчдын зүгээс тэмцээнд зодоглох шилдэг 16 бөхийг сонгохдоо сүүлийн хоёр жилийн хугацаанд “IJF”-ийн чансаа өндөр тэмцээнүүдэд үзүүлсэн амжилтыг голчлон дүгнэсэн аж. Жүдо бөхийн татамид сүүлийн хоёр жилд босоо байсан шилдгүүдийн дунд Монгол Улсын тамирчин Х.Цагаанбаатар багтсан бөгөөд ОХУ-ын жүдо бөхийн холбооноос түүнд албан ёсоор урилга илгээж, 66 кг-ын шилдэг 16 бөхийн халз тулаанд зодоглохыг хүсчээ.
Түүний хамт ОХУ-ын Алим Гаданов, Муса Могушков, Япон улсын Масаши Эбинума, Жүнпей Моришита, “Лондон-2012” олимпийн аварга, Гүржийн Лаша Шавдатуашвили нарын жүдочид Москва хотноо өрсөлдөх юм байна.
Хойд хөршийн нийслэл Москва хотноо арванхоёрдугаар сарын 15-нд хийхээр товлосон тус тэмцээний шагналын сан 66 мянган евро бөгөөд түрүүлсэн бөх 30 мянган евро хүртэх аж.
Б.Ширнэн
Уг тэмцээнд дэлхийн шилдэг 16 бөх халз барилдах аж. Энэ жингийн ангилалд өдгөө Япон, Өмнөд Солонгос, ОХУ-ын жүдочид ноёлж байна. Гэсэн ч дэлхийн шилдэг жүдочдын халз тулаанд дэлхийн аварга, Монгол Улсын Хөдөлмөрийн баатар, Гавьяат тамирчин Х.Цагаанбаатар зодоглохоор болжээ.
Зохион байгуулагчдын зүгээс тэмцээнд зодоглох шилдэг 16 бөхийг сонгохдоо сүүлийн хоёр жилийн хугацаанд “IJF”-ийн чансаа өндөр тэмцээнүүдэд үзүүлсэн амжилтыг голчлон дүгнэсэн аж. Жүдо бөхийн татамид сүүлийн хоёр жилд босоо байсан шилдгүүдийн дунд Монгол Улсын тамирчин Х.Цагаанбаатар багтсан бөгөөд ОХУ-ын жүдо бөхийн холбооноос түүнд албан ёсоор урилга илгээж, 66 кг-ын шилдэг 16 бөхийн халз тулаанд зодоглохыг хүсчээ.
Түүний хамт ОХУ-ын Алим Гаданов, Муса Могушков, Япон улсын Масаши Эбинума, Жүнпей Моришита, “Лондон-2012” олимпийн аварга, Гүржийн Лаша Шавдатуашвили нарын жүдочид Москва хотноо өрсөлдөх юм байна.
Хойд хөршийн нийслэл Москва хотноо арванхоёрдугаар сарын 15-нд хийхээр товлосон тус тэмцээний шагналын сан 66 мянган евро бөгөөд түрүүлсэн бөх 30 мянган евро хүртэх аж.
Б.Ширнэн
