АНУ-ын ард иргэдийн хамгийн их хүлээдэг Хар Баасан гараг болоход нэгэхэн хоног үлдээд байна. Хар баасан гараг (Black Friday)  гэж  АНУ-н талархлын баярын өдрийн дараах Баасан гарагийг хэлдэг бөгөөд энэ өдөр томоохон дэлгүүрүүд Зул сарын баярт зориулан бүх бараа бүтээгдэхүүнийхээ үнийг огцом хямдруулдаг уламжлалтай юм байна.   Хар баасан гараг гэдэг нэр нь Филаделфиа хотоос үүссэн гэж үздэг ажээ. Учир нь талархлын баярын өдөр, зул сарын баярыг тохиолдуулан өглөөнөөс үдэш хүртэл хүн бүр  дэлгүүр хэсч, худалдаа хийх нь хэд дахин ихэсдэг. Үүнтэй холбогдуулан замын түгжрэл үүсч,  цагдаа нарт хүндрэл учирна. Замын түгжрэл ихтэй, ажлын ачаалалтай энэ өдрүүдийг Филаделфиа хотын цагдаа нар хар баасан гараг гэж нэрлэн, улмаар АНУ даяар Хар баасан гараг гэж нэрлэх болжээ.