Соёл, спорт, аялал жуулчлалын яам, Монголын урлагийн ажилтны холбоо хамтран Төрөөс соёлын талаар баримтлах бодлогын хүрээнд үндэсний соёлыг дэлхийн соёлын ололттой хослуулан хөгжүүлэх нөхцөл бололцоог хангах, хүн амын гоо зүйн хүмүүжлийг төлөвшүүлэх, сонгодог бүтээлийг олон нийтэд сурталчлах, орон нутгийн мэргэжлийн байгууллагын уран бүтээлийн чанарыг дээшлүүлэх,  урын санг баяжуулах, уран бүтээлчдийн авьяас билэгийг хөгжүүлэх үнэлэх, урамшуулах зорилгоор орон нутгийн театр, чуулгуудын дунд “Сонгодог бүтээл-2012” шилдэг бүтээл шалгаруулах улсын уралдааны зохион байгуулж байна.
    Уралдааны эхний шатны шалгаруулалтыг 2012 оны 10 дугаар сарын 21-нээс 2012 оны 11 дүгээр сарын 29-ны өдрүүдэд Хөгжимт драмын театруудын шалгаруулалтыг 3 бүс болгон Завхан, Өвөрхангай, Дорнод аймгуудад чуулгуудын бүсийг Сэлэнгэ аймагт  амжилттай зохион байгуулж нийт 21 аймгийн 24 театр, чуулгууд 48 бүтээл толилууснаас Завхан аймаг, Дархан-Уул аймаг, Өвөрхангай аймаг, Орхон аймгийн мэргэжлийн урлагийн байгууллагууд Улаанбаатар хотод болох эцсийн шатны шалгаруулалтад оролцохоор шалгараад байна.
    Тус уралдааны II дугаар шатны шалгаруулалтыг Улаанбаатар хотод 2012 оны 12 дугаар сарын 10-нээс 16-ны өдрүүдэд Драмын эрдмийн театрт зохион байгуулах бөгөөд бүсээс шалгарсан театр, чуулгууд уран бүтээлээ нийслэлийн үзэгчиддээ толилуулан уралдах юм.
1.    Баруун бүс- Завхан аймгийн Төрийн шагналт, Урлагийн Гавьяат зүтгэлтэн Л.Ванганы нэрэмжит Хөгжимт драмын театр
“Этүгэн чимэгт аялгуу” концерт
А.П.Чехов: “Ванья ах” жүжиг
2.  Төвийн бүс- Дархан-Уул аймгийн “Залуучууд театр”
Г.Перселл    “Дидона Энейхоёр”дуурь
Г.Ибсен “Нора”
3.  Зүүн бүс-Дорнод аймгийн Хөгжимт драмын театр
Симфони найрал хөгжмийн “Сонгодог концерт”
Г.Ибсен “Нийгмийн дайсан”
Уригдан тоглох театр, чуулгууд
1.Орхон аймаг-Уурхайчин соёлын ордон “Эрдэнэт ДБЧ”
“ЗүүднийСоннамбула”   сонгодог концерт
2.Хэнтий аймаг-Хан-Хэнтий чуулга 
“БурханХалдуныдуулал”концерт 
3.Орхон аймаг-Хүүхэд залуучуудын театр
“Гайхам ертөнц” /хүүхэлдэйн сонгодог концерт/