---Тэмцээнд төв, орон нутгийн цагдаагийн газар, хэлтсийн хэсгийн байцаагч болон хэв журмын ажилтан нийт 34 алба хаагч оролцов.

---Тэмцээнд оролцсон алба хаагчид "Цагдаагийн байгууллагын шинэчлэлийн бодлогын хүрээнд хэсгийн байцаагч нараас хийж гүйцэтгэх ажлын төлөвлөлт, иргэн-цагдаагийн ажилтны хамтын ажиллагаа" сэдвээр эссэ бичиж , хууль эрх зүйн болон  англи, орос хэл, сэтгэн бодох мэдлэг, ур чадвараараа  өрсөлдлөө.

---Тэмцээний нийлбэр дүнгээр  тэргүүн байранд Хан-Уул дүүргийн цагдаагийн 1 дүгээр хэлтсийн хэсгийн байцаагч, цагдаагийн дэслэгч П.Даваажаргал, 2 дугаар байранд Төв аймгийн цагдаагийн газрын хэсгийн байцаагч, цагдаагийн дэслэгч Б.Сувд-Эрдэнэ, 3 дугаар байранд Увс аймгийн цагдаагийн газрын хэсгийн байцаагч, цагдаагийн дэслэгч М.Одхүү нар шалгарч, тусгай байрт Завхан аймгийн цагдаагийн газрын хэсгийн байцаагч, цагдаагийн дэд хурандаа Н.Баатар, Баянзүрх дүүргийн цагдаагийн 1 дүгээр хэлтсийн хэсгийн байцаагч, цагдаагийн дэслэгч А.Оюун-Эрдэнэ, Дорноговь аймгийн цагдаагийн газрын хэсгийн байцаагч, цагдаагийн ахлах дэслэгч Х.Уранбаяр нар тус тус  шалгарлаа.

---Энэ удаагийн тэмцээн нь  мэдээллийн технологийн ололтыг ашиглан цахим хэлбэрээр явагдсан тул  орон нутгийн алба хаагчид ажлын байрнаасаа тэмцээнд оролцох боломжтой байсны зэрэгцээ цагдаагийн байгууллагын шинэчлэлийн бодлогыг алба хаагчдад сурталчилж, алба хаагчдаас шинэчлэлд өөрийн хувь нэмрийг оруулж хэрэгжүүлэхээр төлөвлөж байгаа ажил, санал, санаачлагыг цагдаагийн алба хаагчдад хүргэж, харилцан туршлага солилцох, шинэ санаа сэдлийг алба хаагчдын хүртээл болгох хэлбэрээр явагдснаараа шинэлэг, ач холбогдолтой арга хэмжээ боллоо.