Сүүлийн хорь гаруй жилийн дотор Монголд шашины олон урсгал орж иржээ. Судлаачдын тооцож байгаагаар 30 гаруй шашины урсгал монголд дэлгэрээд байгаа гэж үздэг ч өнөөдөр буддын шашин, Христын шашин хоёр хамгийн олон хүнийг хамраад байгаа. Тиймээс мөнхийн эзэнд итгэж, христийн библи шагайсаар удаж байгаа олны танил хүмүүсийн талаарх мэдээллийг хүргэхээр шийдлээ.
Дуучин Номин-Эрдэнэ
Хуучны “Спайк” хамтлагийн гишүүн болж дуулж хуурдах гараагаа эхлүүлж явсан дуучин бүсгүй мөнхийн эзэнд итгээд нэлээд хугацааг үдэж буй. Одоогоор ганцаарчлан уран бүтээл туурвиад удсан ч уран бүтээлийн их амралт авахаар шийдсэн бололтой.
Дуучин Сэрчмаа
Эрх хонгор дуугаараа үзэгчдээ баясгаж байсан дуучин Сэрчмаа энэ жагсаалтын нэлээд дээгүүрт бичигддэг. Өвөрлөгч нөхөртэй болж, хэсэгтээ урд хөршид амьдрах гэж үзсэн дуучин бүсгүй авааль нөхрөөсөө албан ёсоор салаагүй ч Хураа охинтойгоо Монголдоо ирээд нууцхан амьдарч байгаа. Тэгтэлээ их уран бүтээл гэж яарахгүй байгаа дуучин бүсгүй хааяа, хааяахан энд тэндэхийн нээлтэд урилагаар дуулж, ая дуугаа өргөж байгаа харагдах болж.
Том Жагаа
Урлагийн тайзнаа он удаан жил дуулж, хөгжимдөж байгаа “Соёл Эрдэнэ” хамтлагийн уран бүтээлч “Том” хэмээх Жаргалсайхан “мөнхийн эзэн” байдаг гэдэгт итгэгсдийн нэг. Эртнээс шүтэн бишрэх болсон шашиндаа туйлаас их хайртай гэдэг юм билээ.
Жүжигчин Амраа
Жүжигчин Амраа “Намайг Амраа” гэдэг хэмээн өөрийгөө рекламдаж олонд танигдаад авсан нэгэн. “Боолын гэрээ” кинонд тоглож хир чансаатай жүжигчин болохоо харуулаад авсан жүжигчин Амраа нэлээд хэдэн дэлгэцийн уран бүтээлдэд өөрийгөө сориод авсан адтай залуу. “Бодлын хулгайч” киноны гол дүрд буюу 90 саяын Гансүхийн дүрийг дэлгэцнээ амилуулсан ,жүжигчин Амраа “Амьд үг” христийн цуглааны идэвхитэй гишүүн гэнэ. Түүнийг өөрийнхөө дүрд тоглохыг урьсан 90 саяын Гансүх ч бас христийн шашин шүтэгч бөгөөд уг сүмд пастор хийдэг аж.
Дуучин Нара
Сүүлийн үед намба сууж, элдэв хэл амнаас ангид байх болсон дуучин бүсгүй маань мөн л Христэд итгэгч. Тэрбээр уран бүтээл хийхээс илүүтэйгээр сүмийн найрал дуунд дуулж, цуглаандаа тун идэвхитэй явдаг болжээ.
Дуучин Цэлмүүн
Саяхан өвөрмонгол залуутай хурим хийж дуулиан тарьсан дуучин бүсгүй маань багаасаа Христэд итгэгч гэнэ. Түүний аав Улаанбаатарт хамгийн алдартай 1-р цуглааны пастор,охиныхоо анхны цомгийг ивээн тэтгэж байсан юм. Тэрбээр аавынхаа Нэгдүгээр чуулганд явдаг гэнэ.
МУГЖ Урнаа
Баянмонгол хамтлагийн нэрээр олны танил болсон МУГЖ дуучин Урнаа Монголын анхны христэд итгэгчдийн нэг. Түүний залуухан нөхөр өөрөөс нь хорь гаруй насаар дүү. Тэд хоёулаа Христийн шашинд итгэдэг бөгөөд нөхөр нь дуулахын хажуугаар пастор хийдэг аж. Тэрбээр “Амьд үг” чуулганд явдаг аж.
Гурван охин
Сүүлийн үед олны анхаарлыг татах болсон охидын энэ хамтлагийн гишүүд 13-р хороололд байрлах CION цуглаанд явцгаадаг байсан гэнэ. Тэд итгэгч болж, ам нээх болгондоо л “Бурхантай хамт” хэмээн ярьдаг байсан тухай тэднийг сайн мэдэх найзууд нь ам алдаж байна.
"Тэргүүн" сонин
Дуучин Номин-Эрдэнэ
Хуучны “Спайк” хамтлагийн гишүүн болж дуулж хуурдах гараагаа эхлүүлж явсан дуучин бүсгүй мөнхийн эзэнд итгээд нэлээд хугацааг үдэж буй. Одоогоор ганцаарчлан уран бүтээл туурвиад удсан ч уран бүтээлийн их амралт авахаар шийдсэн бололтой.
Дуучин Сэрчмаа
Эрх хонгор дуугаараа үзэгчдээ баясгаж байсан дуучин Сэрчмаа энэ жагсаалтын нэлээд дээгүүрт бичигддэг. Өвөрлөгч нөхөртэй болж, хэсэгтээ урд хөршид амьдрах гэж үзсэн дуучин бүсгүй авааль нөхрөөсөө албан ёсоор салаагүй ч Хураа охинтойгоо Монголдоо ирээд нууцхан амьдарч байгаа. Тэгтэлээ их уран бүтээл гэж яарахгүй байгаа дуучин бүсгүй хааяа, хааяахан энд тэндэхийн нээлтэд урилагаар дуулж, ая дуугаа өргөж байгаа харагдах болж.
Том Жагаа
Урлагийн тайзнаа он удаан жил дуулж, хөгжимдөж байгаа “Соёл Эрдэнэ” хамтлагийн уран бүтээлч “Том” хэмээх Жаргалсайхан “мөнхийн эзэн” байдаг гэдэгт итгэгсдийн нэг. Эртнээс шүтэн бишрэх болсон шашиндаа туйлаас их хайртай гэдэг юм билээ.
Жүжигчин Амраа
Жүжигчин Амраа “Намайг Амраа” гэдэг хэмээн өөрийгөө рекламдаж олонд танигдаад авсан нэгэн. “Боолын гэрээ” кинонд тоглож хир чансаатай жүжигчин болохоо харуулаад авсан жүжигчин Амраа нэлээд хэдэн дэлгэцийн уран бүтээлдэд өөрийгөө сориод авсан адтай залуу. “Бодлын хулгайч” киноны гол дүрд буюу 90 саяын Гансүхийн дүрийг дэлгэцнээ амилуулсан ,жүжигчин Амраа “Амьд үг” христийн цуглааны идэвхитэй гишүүн гэнэ. Түүнийг өөрийнхөө дүрд тоглохыг урьсан 90 саяын Гансүх ч бас христийн шашин шүтэгч бөгөөд уг сүмд пастор хийдэг аж.
Дуучин Нара
Сүүлийн үед намба сууж, элдэв хэл амнаас ангид байх болсон дуучин бүсгүй маань мөн л Христэд итгэгч. Тэрбээр уран бүтээл хийхээс илүүтэйгээр сүмийн найрал дуунд дуулж, цуглаандаа тун идэвхитэй явдаг болжээ.
Дуучин Цэлмүүн
Саяхан өвөрмонгол залуутай хурим хийж дуулиан тарьсан дуучин бүсгүй маань багаасаа Христэд итгэгч гэнэ. Түүний аав Улаанбаатарт хамгийн алдартай 1-р цуглааны пастор,охиныхоо анхны цомгийг ивээн тэтгэж байсан юм. Тэрбээр аавынхаа Нэгдүгээр чуулганд явдаг гэнэ.
МУГЖ Урнаа
Баянмонгол хамтлагийн нэрээр олны танил болсон МУГЖ дуучин Урнаа Монголын анхны христэд итгэгчдийн нэг. Түүний залуухан нөхөр өөрөөс нь хорь гаруй насаар дүү. Тэд хоёулаа Христийн шашинд итгэдэг бөгөөд нөхөр нь дуулахын хажуугаар пастор хийдэг аж. Тэрбээр “Амьд үг” чуулганд явдаг аж.
Гурван охин
Сүүлийн үед олны анхаарлыг татах болсон охидын энэ хамтлагийн гишүүд 13-р хороололд байрлах CION цуглаанд явцгаадаг байсан гэнэ. Тэд итгэгч болж, ам нээх болгондоо л “Бурхантай хамт” хэмээн ярьдаг байсан тухай тэднийг сайн мэдэх найзууд нь ам алдаж байна.
"Тэргүүн" сонин
