Нийслэл хотынхоо хөгжлийн төлөө үйлсэд эрхэлсэн ажил, авъяас чадвар, ажил мэргэжлийн амжилтаараа салбартаа тэргүүлж, манлайлж буй ажилчин, албан хаагчдад өнөөдөр Нийслэлийн удирдлагуудаас “Нийслэлийн хөдөлмөрийн аварга” хэмээх нэр хүндтэй шагналаа гардан авлаа. 2012 оны нийслэлийн хөдөлмөрийн аваргаар, багш, эмч, цагдаа, аврагч, сувилагч, жолооч, кондуктор, тохижилт үйлчилгээний компанийн зам талбайн үйлчлэгч гээд нийт 26 хүн шалгарчээ. Ажил хөдөлмөөрөө бусдыгаа хошуучлан манлайлж, Нийслэлийн хөдөлмөрийн аварга хэмээх нэр хүндтэй шагналыг хүртсэн хүмүүст Нийслэлийн Засаг дарга бөгөөд Улаанбаатар хотын Захирагч Э.Бат-Үүл баяр хүргэн хэлсэн үгэндээ, “Миний хувьд хамгийн сайхан шагнал хөдөлмөрийн аварга юм. Яагаад гэвэл хөдөлмөр бүтээлээрээ манлайлж хошуучлах үнэхээр сайхан. Хүн бол бүх үйл хэргийн гол цөм нь. Хичнээн мөнгө, хөрөнгөтэй байлаа ч, хичнээн техник хэрэгсэл сайтай байлаа ч хүн байхгүй бол юу ч бүтээж чадахгүй” гэж онцлон хэлсэн юм.
