---Цагдаагийн байгууллагад БНХАУ-д зорчин буцаж ирсэн иргэд хуурамч юань худалдаж авсан талаар гомдол гарган шалгуулах хүсэлт гаргах явдал нэмэгдэж байна.
---"Найман шарга" төвд байрлах валют солих цэгт үйлчлүүлсэн иргэдийн сольсон валютаас 6000 орчим хуурамч юань илэрсэн хэргийг ЧДЦХ шалгаж байна.
---Иймд иргэд та бүхэнд Эрүүгийн цагдаагийн газраас дараах сэрэмжлүүлгийг хүргэж байна.
- Худалдан авсан юанийнхаа сери дугаарыг бүртгэх, бичиж авах болон гар утсандаа бэхжүүлэх,
-
Их хэмжээний юаниар арилжаа наймаа хийхдээ баталгаатай банк болон санхүүгийн байгууллагаар төлбөр тооцоогоо хийж байх,
-
Таксинд болон жижиглэнгийн наймаа хийхдээ худалдагч, жолооч болон харьцаж байгаа хүнийхээ дүр төрх байдлыг сайн таньж авч, үйлдлийг нь хянаж болгоомжтой харьцах,
-
Хариулт мөнгө, мөнгөн дэвсгэртийг байнга шалгаж авахдаа нууцлалын зэрэглэл усан хээ байгаа эсэхийг үзэж шаардлагатай бол шалгагч машинаар шалгах,
-
Жинхэнэ валютыг хуурамчаас ялгаж сурах зохих мэдлэгтэй байх
