“Монголын Залуучуудын Холбоо”-ны дэргэдэх “Залуучуудын хүмүүнлэгийн хороо” оны эхний ажлаа хийлээ. Уг хорооны дарга МУЗН-ийн хүүхэд залуучууд хариуцсан ерөнхий зохицуулагч Д. Ууганбаяр, тус хорооны гишүүд, “VIP Crown AUTO CLUB”-ийн залуус хамтран “Хүмүүнлэгийн цуваа 2013” хүмүүнлэгийн аяны эхлэл болсон ажлыг энэ сарын 11-ний 05.00 цагт эхлүүлж БГД, СХД-ийн ТҮК-ний нийт 30 ажилтанд халуун чацаргана, өвлийн дулаан хувцас, хоорондоо үнэгүй ярьдаг Skytel-ийн дугаар бэлэглэж мөн замын цас мөсийг цэвэрлэсэн юм. авто машин сонирхогч залуусын “VIP Crown AUTO CLUB”-ийн 20 машин цуваа болон явсан бөгөөд ЗЦГ-аас тэдний сайн үйлсийн аянг дэмжин зам чөлөөлж өгсөн байна. Өглөө эртлэн босч халуунд халж, хүйтэнд хөрөн Нийслэлийн хог шороо, цас мөсийг цэвэрлэдэг эдгээр хүмүүсийн ажлыг ойлгож, хүйтэнд халуун уур дулаан уур амьсгалыг мэдрүүлсэнд маш их баярлаж байлаа. “Залуучуудын хүмүүнлэгийн хороо”, “VIP Crown AUTO CLUB”-ийнхэн цаашид ч залуусаа хүмүүнлэгийн үйлсэд уриалсан тэднийг нэгтгэсэн, эерэг өөрчлөлтийг авчрах олон ажлуудыг хийхээр төлөвлөөд байгаа бөгөөд энэ сарын 19-нд “Улсын хүүхэд асран хүмүүжүүлэх төв”-ийн хүүхдүүдэд дулаан хөнжил өгч тэднийг цэвэр агаарт гаргах ажлыг хийхээр болжээ. Сонирхуулахад “VIP Crown AUTO CLUB” нь автомашин тоноглолын шинэ урсгал болох VIP авто тоноглолыг монголд хөгжүүлэх зорилгоор анх 6 машинтай үүсгэн байгуулагдсан бөгөөд одоогоор 20 гаран машинтай үндсэн Toyota Crown автомашинаас гадна клубын имиж дүр төрхийг илэрхийлсэн VIP стилийн өөр машинуудаар клубээ өргөжүүлж байна. Түүнчлэн уг клуб нь Монголын автомашины хөгжилд өөрсдийн хувь нэмэрээ оруулахаас гадна авто тюнинг, авто шоу, авто парад, авто хувьсалд шинэ бүхэнийг санаачлагч эрхийлэгч нь байж шинэлэг бүхнийг авто ертөнцөд хийх болон авто замын хөдөлгөөнд соёлтой оролцож бусад жолооч нарт үлгэр дууриал болох зорилготой.