Вьетнам улсын өмнөд нутгийн Хошимин хотод өнгөрсөн Ням гарагт  2 дэлбэрэлт болсны уршгаар гурван орон сууцны байшин нуран унаснаас болж 7 хүн амь насаа алдаж, 3 хүн ор сураггүй алга болжээ. Нуран унасан нэгэн байшинд хадгалагдаж байсан хурдан ноцдог зүйлээс болж дэлбэрэлт болсон байж магадгүй гэж цагдаагийн газар үзэж байна. Киноны зураг авалтад зориулсан дэлбэрэх бодис үйлдвэрлэдэг компанид ажилладаг хүн нурсан байшингуудын нэгэнд амьдарч байсан байна. Өмнө нь тэр хүнээс буу зэвсэг, гранат зэргийг хурааж авч байсан гэж аврагчид мэдэгдсэн байна. Одоогийн байдлаар дэлбэрэлт болсон газар аврагчид ажиллаж нурангийг зайлуулж байна.