Африкийн Камерун улсын зарим иргэд ярихад ч бэрх нэгэн уламжлалыг дагадаг байна. Грэйс Тичү гэдэг энэ эмэгтэй охиныхоо хөхийг халуун зүйлээр хайрч байсан аж. Энэ нь охиныхоо дур дулаам байдлыг багасгах зорилготой хэмээн тэрбээр тайлбарлажээ. Ингэх нь хөхний хэмжээг багасгаж, эрчүүдийг охиноос нь холдуулдаг гэнэ. Өвөрмөц бөгөөд гаж гэж хэлмээр энэ уламжлалыг "хөх хайрах" гэж нэрлэдэг байна. Зарим ээжүүд халуу чулуу, мод гэх мэтийг ашигладаг ч бүгд нэг зорилготойгоор энэ зүйлийг хийдэг.
“Энэ нь чамайг сонирхож байсан залуучуудаас хамгаалагдахад тусалсан гэж бодож байна уу, залуучууд одоо чамайг сонирхохоо больсон гэсэн үг үү?” гэж охиноос асуухад түүний ээж “тийм” гэж хариулжээ.
Туришаг есөн настай байхад ээж нь түүнийг хичээлдээ явахаас өмнө өглөө бүр хөхийг нь хайрдаг байсан байна. Энэ явдал хэдэн долоо хоногийн турш үргэлжилжээ. Харин нэг өглөө ээжийнх нь хэрэглэсэн мод хэтэрхий халуун байсан гэнэ. Харин ээж нь энэ явдлыг үгүйсгэж байгаа юм. Гэхдээ Туриша охины хувьд нөхцөл байдал одоог хүртэл хүнд байна.

Камерун улсад өөр өөр соёл зан заншилтай 200 гаруй үндэстэн оршин суудаг. Охид эмэгтэйчүүдийн хөхийг хайрах уламжлал тэдгээр үндэстнүүдэд бараг бүгдэд нь байдаг гэнэ. Энэ талаар өмнө нь судалгаа хийж байгаагүй бөгөөд охид эмэгтэйчүүдийн дөрөвний нэг нь энэ уламжлалаас болж ямар нэг байдлаар хохирсон байна.
Насанд хүрээгүй охидын жирэмслэлт өндөр байгаа нь ээжүүдийг ийм хатуу "арга хэмжээ" авахад хүргэсэн гэж үзэж байна. Тусламжийн байгууллагууд эмэгтэйчүүдэд сургалт явуулж, охидын хөхийг гэмтээхийн оронд тэдэнд бэлгийн боловсрол олгосноор жирэмслэлтээс сэргийлнэ гэдгийг зааж байна. Тэдэнд тулгараад байгаа бэрхшээл гэвэл алслагдмал газар амьдардаг Грэйс Тичү гэх мэт эцэг эхчүүдтэй холбоо тогтоож, тэдний хийж байгаа зүйл буруу гэдгийг ойлгуулах явдал юм.

Э.АМАР