Үндэсний хэмжээний хамгийн олон уншигчтай 7 хоног тутмын шилдэг сэтгүүл TV ZONE-ий шинэ дугаар хэвлэгдлээ.  Бид энэ удаагийнхаа дугаарын зочноор СТА, дуучин Р.Дэлгэрмааг урилаа.  “Амьдралаас авсан хамгийн том бэлэг маань урлаг” хэмээх гарчгийн дор ярилцсан түүний сонирхолтой ярилцлагыг уншаарай.
Амттай булангуудын маань нэг оддын шар хуудасныхаа нэгээхэн хэсгийг мэдээж SHUUM.MN-тэй хамтран бэлтгэлээ. Оддын өнцгийг онцолдог энэ булангаар дуучин Д.Болдын өнцгүүдийг тоочжээ. Мөн энэ хуудаснаас сүүлийн үед загварын ертөнц гэхээсээ илүүтэй хувийн бизнес хийж, хурааж, хуримтлуулах тал дээрээ түлхүү анхаарч эхэлсэн олноо дизайнер хэмээн алдаршсан Н.Соёлмаагийн тухай болон кино урлагийн хөгжлийн давалгаанд хүчтэй өртөөд байгаа оддын талаар уншаарай. Бидэнд нэг нэгнээ хайрлах ухааныг уран яруу үгээр холбон хүргэсэн нэрт яруу найрагч, төрийн соёрхолт О.Дашбалбар агсны дурсгалыг мөнхжүүлэх талаар сонин дуулгаж байна. Ирэх намар  Монголын кино урлагийнхан ямар бүтээлээр үзэгчиддээ бэлэг барьж байгаа талаар TV ZONE сэтгүүлийн шар хуудаснаас унших боломжтой.
Нийгэмд тулгамдаад байгаа асуудлуудыг үзгээрээ, үгээрээ хөнддөг “ЭНЭ СЭДВЭЭР…” буланд  зуслангийн хогны талаарх асуудлыг хөндлөө. Цэвэр агаар, тавтай  орчныг бүрдүүлэх талаар “Хогноосоо салах ийм амархан” хэмээх гарчиг дор үзэглэсэн нийтлэл  уншигч танд нэгийг бодуулж, хоёрыг тунгаалгах биз ээ. 
Уншигчдын маань талархлыг хүлээгээд байгаа “Надад нэг асуулт байна” буланд хөдөлмөр эрхлэлтийн тухай болон хөдөлмөрийн гэрээ хэрхэн байгуулах талаарх асуултыг манай уншигчид ирүүлжээ. Та бүхэн хариултаа хуулийн зөвлөхөөс авсан албан ёсны тайлбараас уншаарай. Бидэнд хандан хариулт хэрэгтэй “нэг” асуултаа илгээсэн уншигч танд баярлалаа.

    Мөн энэ удаагийнхаа танилцах ярилцлагаар СТА дуучин С.Сэрчмааг урьж ярилцлаа. Олны хайр хүндэтгэлийг хүлээсэн дуучин бүсгүйн амьдрал, уран бүтээл үрээ хайрлах  хайр энхрийлэл шингэсэн, чин сэтгэлийн ярилцлагыг уншаарай. 
Уншигч таны завтай цагийг сонирхолтой мэдээллээр зугаацуулахаар “Дэлхийн хүчирхэг 10 мафи”, Хамгийн өвөрмөц үндэсний хоолнууд болон Box Office-ийн шилдэг 10 киноны жагсаалтыг хүргэж байна. 
        Энэ удаагийнхаа зөвлөгөө булангаар аппараттай шүдийг хэрхэн арчлах тухай бэлтгэлээ. Ингэж өмсвөл ямар вэ? Хүүхнүүд ээ! Уншигч бүсгүйчүүддээ бид “Fashion” булангаар хувцасныхаа загвар зохилдлогоог хэрхэн тааруулж өмсөх тухай мэдээллийг хүргэж байна. 
         Мэдээж бяцхан уншигч нартаа зориулсан үлгэр, оньсого, буддаг зургуудаас эхлээд сонжоонд дуртай сонжоочдын зугаа, үгийн сүлжээ, судоку, шидэт зураг гээд Зав гарлаа булан иж бүрнээрээ танд хүрч байна. 
         Долоо хоног тутмын сэтгүүлийн чухал мэдээллүүдээс гадна Монголын бүхий л телевизүүдийн хөтөлбөрүүд мэдээж бэлтгэгдлээ. Мөн Оросын хамгийн сонирхолтой сувгууд ч бидэнд хөтөлбөрөө ирүүллээ.
TV ZONE сэтгүүлээ гэр бүлийнхээ гишүүн болгосон уншигч танд баярлалаа.