Америкийн Nickelodeon кабелийн телевизээс зохион байгуулдаг “Nickelodeon Kids' Choice Awards 2013” шагнал гардуулах ёслол энэ сарын 23-нд Калифорн мужийн Лос Анжелес хот дахь Өмнөд Калифорниагийн Их Сургуулийн хотхонд болж өнгөрлөө. Энэхүү ёслолд оролцохоор маш олон алдартай одууд хүрэлцэн ирсэн бөгөөд Nickelodeon телевизийн үзэгч хүүхдүүдийн сонгон шалгаруулсан жилийн хамгийн шилдэг дуучин, жүжигчин, кино, хөгжим зэрэг нийт 22 номинациудын эздийг урамшуулан шагналаа. Санал хураах үйл ажиллагаа 2-р сарын 14-нөөс эхэлсэн бөгөөд 350 гаруй сая хүн онлайнаар санал өгчээ. 26 дахь удаагаа зохион байгуулагдаж байгаа уг шагнал гаруудах ёслолын ажиллагааг “Transformers”, “Dark of the Мoon”, “New Year’s Eve”болон “Safe Haven”зэрэг кинонуудаараа олонд танигдсан жүжигчин Жошуа Дюамэл хөтөлсөн байна. Энэхүү наадмаас хамгийн олон шагнал хүртсэн уран бүтээлчдээр жүжигчин Kristen Stewart болон “One Direction” хамтлаг тус бүр хоёр шагнал хүртснээр шалгарчээ. Энгээд та бүхэндээ тус наадмаас шагнал хүртэж шилдгийн шилдэг болсон уран бүтээлчдийг танилцуулъя.
Шилдэг кино-The Hunger Games
Шилдэг хүүхэлдэйн кино-Wreck-It Ralph
Хүүхэлдэйн киноны шилдэг дуу оруулагчаар-“Hotel Transylvania” хүүхэлдэйн киногоор жүжигчин Adam Sandler
Шилдэг эрэгтэй жүжигчин-“Dark Shadows” киногоор жүжигчин Johnny Depp
Шилдэг дуу-"What Makes You Beautiful" дуугаараа “One Direction” хамтлаг
Шилдэг хамтлаг-“One Direction”
Шилдэг ТВ-ийн шоу-“Victorious”
ТВ-ийн шилдэг цуврал киноны эмэгтэй жүжигчин-“Wizards of Waverly Place” киногоор жүжигчин Selena Gomez
Шилдэг хүүхдийн хүүхэлдэйн-“Sponge Bob Square Pants”
Шилдэг эрэгтэй тамирчин-LeBron James
Шилдэг хорон санаатан- “The X Factor” шоуны шүүгч Simon Cowell
Шилдэг ном-“The Hunger Games”-ийн цувралууд
Шилдэг эмэгтэй жүжигчин-“The Twilight Saga: Breaking Dawn – Part 2” киногоор жүжигчин Kristen Stewart
Шилдэг баатарлаг эрэгтэй дүр-“Journey 2: The Mysterious Island” киногооржүжигчин Dwayne Johnson
Шилдэг баатарлаг эмэгтэй дүр- “Snow White and the Huntsman” киногооор жүжигчинKristen Stewart
Шилдэг эрэгтэй дуучин-Justin Bieber
Шилдэг эмэгтэй дуучин-Katy Perry
Шилдэг Реалити шоу-“Wipeout”
ТВ-ийн шилдэг эрэгтэй жүжигчин-“Austin & Ally” цуврал киногоор жүжигчин Ross Lynch
Шилдэг эмэгтэй тамирчин-Danica Patrick нар тус тус шалгарчээ.

Шилдгээр шалгарсан эдгээр уран бүтээлчид тус наадмын бэлэг тэмдэг болсон ногоон шингэнээр шүршүүлж үзэгчдийг хөгжөөсөн байна.

Д.Амар