Энэ агентлаг нь 1944 онд байгуулагдсан. Өөрийн улсын бизнес эрхлэгчид болон хөрөнгө оруулагч нарт санхүүгийн эрсдлийн даатгал, менежментийн арга зүйн зөвлөгөө, туслалцаа үзүүлдэг байгууллага юм. Харилцагчдынх нь 80 гаруй хувийг жижиг, дунд бизнес эрхлэгчид эзэлдэг байна. Хэдийгээр Засгийн газрын байгууллага ч гэлээ өөрийгөө санхүүжүүлдэг аж. Байгуулагдснаасаа хойш нийтдээ 780 орчим тэрбум канад долларын экспортын болон хөрөнгө оруулалтын санхүүжилтыг дотоодын компаниуддаа олгосон тухайгаа тус агентлагийн удирдлагууд уулзалтын үеэр танилцуулсан байна.

   Уулзалтын үеэр Канадын экспортын хөгжлийн агентлагийг Монголд байгуулах боломжтойг талууд онцолсон байна.

  УИХ-ын дарга З.Энхболд “Канадын экспортын хөгжлийн агентлагийн олон жилийн туршлагаас суралцах зүйл их байна. Бид зөвхөн уул уурхайг онцолсоор байгаа. Уул уурхайгаас гаднах салбаруудын экспортыг анхнаас нь дэмжихгүй бол тэр салбар хөгжихгүй нь харагдаж байна” гэлээ.