Хилчид Цагааннуурын боомтоор Монгол Улсаас ОХУ-д зорчихоор ирсэн 13-57 БӨА улсын дугаартай тээврийн хэрэгслээс нэг авдар буюу 300 кг өрөмдлөгийн дээж чулууг гаргах гэж байсныг илрүүлжээ. Мөн гуравдугаар сарын 5-ны өдөр  З5-45 БӨТ улсын дугаартай истана маркийн тээврийн хэрэгсэлээс согтууруулах ундаа 68 литрийг, 42-06 БӨТ улсын дугаартай тээврийн хэрэгсэлээс 46 литр согтууруулах ундааг нууцаар нэвтрүүлэх гэж байсныг илрүүлсэн байна.