2012 оны 11 дүгээр сараас эхлэн сар бүр зохион байгуулагдаж буй уг өдөрлөгийн энэ удаагийн арга хэмжээний үеэр Швед улсын ахлах болон их дээд сургуулийн бакалавр, магистрантурт сурч буй монгол оюутан залуус Шведийн боловсролын системийн онцлогийн талаар дэлгэрэнгүй тайлбарлаж, тус улсад суралцаж байгаа оюутнуудад өөрийн суралцаж, амьдарч байгаа туршлагаа хуваалцах, их дээд сургуульд суралцахаар хүсч байгаа бусад залуучуудад дэлгэрэнгүй зөвлөгөө өгсөн бөгөөд тус улсад суралцаж буй оюутнууд хоорондоо танилцан цаашид хамтран зохион байгуулах боломжтой арга хэмжээний талаар санал солилцов.
Мөн энэ үеэр тус улсын боловсролын байгуулылагад болон бусад салбарт ажиллаж буй зарим иргэн оюутан залуус туршлагаасаа хуваалцаж, асуултад нь дэлгэрэнгүй хариулан, заавар зөвлөгөө өгсөн нь энэ удаагийн арга хэмжээг илүү үр дүнтэй болголоо.
