Умард Солонгос нь цөмийн болон пуужинг хөгжүүлэх хөтөлбөртөө 3,24 тэрбум доллар хөрөнгө зарцуулаад байгаа тухай тооцоог шинжээчид гаргажээ. Тэд эдгээр хөрөнгийг Умардын хүмүүсийн гурван жилийн хүнсний нөөцийг хангахад хүрэлцээтэй гэж үзсэн байна.

Өмнөдийн цэргийн шинжээчдийн гаргасан баримт мэдээллээр, Пхеньян нь пуужин бүтээх болон технологийг боловсронгуй болгох, түүнтэй холбогдох дэд бүтцэд ойролцоогоор 1,74 тэрбум долл. зарцуулжээ. Мөн 1,5 тэрбум долларыг умардын цөмийн хөтөлбөрийг хөгжүүлэхэд болон өнгөрсөн хоёрдугаар сард газар доорх гуравдахь туршилт явуулахад зарцуулжээ.