Сонгодог болон Артхаус киног олон нийтэд түгээх, таниулах зорилготой "Алтан хальс" холбоо "Нэгэн хэвийн болох төлөвтэй кино урлагт цочроо өгөх" зорилгоор Монголын анхны андерграунд кино уралдаан зарлалаа. Уралдаанд 5-15 минут үргэлжлэх, экспериментал, авангард хэлбэрийн бэсрэг киногоор өрсөлдох юм. Киноны дүрс бичлэгийн чанарыг үл харгалзан, бүтээлч сэтгэлгээ, уран сайхны эрэлхийллийг гол болгодгоороо андерграунд кино уралдаан онцлогтой аж. Өөрөөр хэлбэл, уг уралдаанд өндөр үзүүлэлттэй мэргэжлийн камер шаардлагагүй, гар утсаар бүтээсэн кино ч өрсөлдөх боломжтой юм байна.
Ц.Од
www.shuum.mn