“Харанга” хамтлагийн гитарчин Я.Одсүрэнгийн энэ сарын 17, 18-нд UB Palace-ийн концертын их танхимд тоглох “Оогий Харангатайгаа, гитартайгаа, найзуудтайгаа” тоглолтын тасалбар өнөөдрөөс худалдаанд гарчээ.

Тасалбарын үнэ 25, 30 мянга бөгөөд UB Palace болон Hi-Fi CD shop-ийн кассаар болон 1109, 1950, 1617 дугаар руу залгавал үнэгүй хүргэж өгөх юм байна.

Гитарчин Я.Одсүрэнгийн хувьд энэ анхных биш бөгөөд 1994 онд “Энэ бол дурлал биш” бие даасан тоглолтоо “Харанга” хамтлагийн 5 жилийн ойд зориулан хийж байжээ. Хоёр дахь бие даасан тоглолт болох гэж буйтай холбогдуулан Я.Одсүрэнгийн хит дуунуудаас бүрдсэн попуриг “Никитон”-ы А.Болорхүүгийн найруулснаар On’n Off продакшн клипжүүлж өчигдрөөс цацаж эхэлжээ.