АНУ-ын Колорадо мужид нэгэн утасны шонгийн модыг ороон дээш авирч ургасан ургамал яг загалмайд цовдлогдсон Есүс Христийг санагдуулжээ. Христэд итгэгч, сүсэгтэн нэгэнд бол хайрт эзэн нь тэнгэрээс буугаад ирсэн гэлтэй. Христийн итгэгчид бараг таарсан дүрс бүрээ Есүс болгон харах гээд байдаг талтай. Есүс Христийн дүрс дэнгийн эрвээхэйн дээр байдаг бол Есүс шиг хэлбэртэй шарсан төмс хүртэл байх ажээ.
Утасны шонгийн модыг ороож ургасан ургамалыг хэн ч харсан загалмайд цовдлогдсон Есүс Христтэй адил гэдгийг хүлээн зөвшөөрдөг байна. Зарим сүсэгтэн итгэгчид Есүсээс адис хүртэх гэж утасны модонд авирч байгаад өндөр хүчдэлд цохиулж магадгүй гэж үзсэн орон нутгийн эрх баригчид саяхан шонгийн модыг тайрсан байна.
Есүс Христэд итгэгчид түүний дүрс бүхий хайруулын таваг худалдан авч болох аж. Тэр ч байтугай Есүс Христийн дүрстэй шарвин шарж идэж болох юм байна. Өндөг бяслагтай талх шарж идэх гэж байтал Есүс Христийн дүрс тодроод ирвэл битгий гайхаарай гэж худалдаачид ярьж байна. Тэнгэрээс ирсэн бурханы мэссэж ч байж болох учир сайн залбирч байгаад идэх хэрэгтэй юм байна.
Shuum.mn