Дулаан гэр ядаж л тохь тухтай байдаг гэдэг. Иймд өвөлд бэлдэж, орон байраа дулаалах нь хүн бүхний хийх ёстой ажил. Хэрэв сайн дулаалахгүй бол гэрийн дулааны гуравны хоёр нь цонхоор, гуравны нэг нь орох хаалгаар гадагшилдаг аж. Иймээс орон гэрээ дулаан байлгахад чинь зориулж хэдэн зөвлөгөө өгье.

-Цонхны шил чинь хагарсан, цав суусан, эсвэл эвлүүлж хийсэн бол даруйхан солих хэрэгтэй.
-Цонхны замаск ховхорсон эсэхийг шалгаад унасан хэсэгт нь дахин замаск хий.
-Цонхны рам гажсан эсэхийг шалга. Салхивч гүйцэд хаагдах ёстой шүү.
-Цонхоо дулаалахын өмнө тоос, шороог сайн арчиж угаах нь зүйтэй.
-Хаалгаа дулаалахын өмнө сайн хаагдаж байгаа эсэхийг заавал шалгаж үзээрэй.
-Хаалганы нугасыг шалгаж гажсан бол гажааг заавал гарга.
-Хаалга гүйцэд хаагдаж байгаа эсэхийг шалгаж үзэх хэрэгтэй. Цоожны нүхийг далдалж юм өлгөсөн ч болно. Жавар гэдэг тэвнийн чинээ нүхээр ч ордог гэдэг.
-Хаалгаа тойруулан дулаалгын материал нааж өгвөл дулаан алдах нь багасна. Гэрийн дулааныг ингэж зохицуулж болно.
-Галын ерөө, угаалгын өрөө хамгийн дулаан байдаг тул эдгээр өрөөний хаалгыг тогтмол нээлттэй байлгавал дулаан агаар орон гэрт чинь жигд тарна.
-Салхитай талын өрөөний болон коридорын хаалгыг байнга хааж байх нь чухал.
-Өвлийн цагт байраа нэвт салхилуулж болохгүй, Иймээс өрөөнүүдийн салхивчийг ээлжлэн онгойлго.
-Хамгаалалтын радиаторын ойролцоо, дулааныг хааж юм тавьж болохгүй.