Хууль зүйн сайдын 2012 оны А/15 дугаар тушаалаар баталсан "Хууль зүйн салбарын Нээлттэй бодлого"-ын хэрэгжилтийг зохион байгуулж, хангах ажлын хүрээнд болон "Нээлттэй ил тод байдлыг хангах, сургалт сурталчилгаа, хэвлэл мэдээллийн байгууллага, олон нийттэй харилцах ажлыг хэрэгжүүлэх" ажлын хүрээнд тус хүрээлэнгээс улирал бүр "Нээлттэй хаалганы өдөр"-ийг зохион байгуулан ажиллаж байна.
Хуваарийн дагуу тус хүрээлэнгийн Тамгын хэлтэс, Шүүх эмнэлгийн шинжилгээний хэлтэстэй хамтран 2013 оны 6 дугаар сарын 3-ны өдөр Шүүх эмнэлгийн шинжилгээний хэлтсийн байранд "Нээлттэй хаалганы өдөр"-ийг зохион байгуулж иргэд, олон нийтэд байгууллага, үйл ажиллагаагаа сурталчилах, иргэдээ сонсох, өргөдөл, гомдол, санал хүсэлт хүлээн авч шийдвэрлэх хэлбэрээр зохион байгуулан ажиллалаа.
