Өнгөрсөн сарын 25-нд Эмээлт-Давааны хоорондын тахир тойруу ихтэй хүнд аястай 8.5 км замд ЗЗМС-ын замчид их засвар хийж дуусчээ. Уг засварыг таван цонхонд багтаан хийж дууссан бөгөөд өнгөрсөн Баасан, Бямба гаригт Эмээлт өртөөний замд сүүлчийн цонхны ажлаа хийж, их засвар хийсэн замыг 40км/цагийн хурдтай галт тэрэгний хөдөлгөөнд нээсэн байна.
Их завсар хийгдсэн замыг ирэх Пүрэв гаригт Замын хоёрдугаар ангид хүлээлгэн өгөх ажээ. Одоо тус станцынханд Чойр-Наран-Элгэний хоорондын 51.6 км замд хийх их засвар үлдээд байгаа юм. Уг засварыг энэ сарын 17-нд эхлүүлэхээр замчид бэлтгэл ажилдаа оржээ. Их засварын цонхыг долоо хоногийн Даваа, Баасан гаригт авахаар төлөвлөсөн гэж тус станцын дарга Б.Дашравдан манайд мэдээллээ.
