Өдөр бүр иллэг хийж уруулаа толигор сайхан болгоно. Шүдний зөөлөн сойзыг буцалсан усанд норгоод уруулаа цэвэрлэ. Дараа нь тослог ихтэй тос түрхээд хуруугаараа жигд тараагаарай.

Хэрвээ уруул хагарсан бол хоол идсэнийхээ дараа зөгийн балыг гахайн дотор өөхтэй 2:1-ийн харьцаатай хольж түрх. Луувангийн шүүсийг аарцтай хольж үе үе уруулдаа түрхэн уруул хатахаас сэргийлж болно.

Шинэхэн аарц цайны нэг халбагыг авч, цайны нэг халбага луувангийн шүүстэй холино. Энэ маскаа уруулдаа 10 минут хэртэй байлгаад буцалсан усанд норгосон хөвөнгөөр арчиж авна.

Хэт их хагарсан уруулд улаан буудайн хивэгний уусмалд норгосон амны цаас тавьдаг. Уусмалыг хийхдээ нэг аяга усанд цайны нэг халбага хивэг хийж буцалгана. Таван минут тутамд амны цаасаа солих хэрэгтэй. Ийм маягаар эмчилгээг 30 минут үргэлжлүүлнэ. Yүний дараа уруулдаа зөөлрүүлэх тусгай тос түрхээрэй.