Албан тушаалаа урвуулан ашигласан хэргээр АТГ-ын Мөрдөн шалгах хэлтэст шалгагдаж асан Хууль зүйн дэд сайд Э.Эрдэнэжамьянд холбогдох хэргийг хянаж дуусаад яллах дүгнэлт үйлдүүлэхээр нийслэлийн Прокурорын газарт шилжүүлжээ.

Э.Эрдэнэжамъян нь өнгөрсөн өвөл Хууль зүйн дэд сайдын нэрийг барьж Интерполын ерөнхий нарийн бичгийн даргын газарт МАХН-ын дарга Н.Энхбаяр нарын хэрэгт холбогдон эрэн сурвалжлагдаж буй Н.Энхтуяа, туслах Б.Хуяг нарыг олон улсад эрэн сурвалжлах ажлыг зогсоох хүсэлтийг хүргүүлсэн юм.