Эрхэм хvндэт Монгол Улсын Ерөнхий Сайд Н.Алтанхуяг танаа.
Үүcээд буй эдийн засгийн нөхцөл байдалтай холбогдуулан энэхүү захидлыг илгээж байна.
Хаврын чуулган, намын бүлэг, байнгын хорооны хурлууд дээр ирж буй хямрал, таны явуулж буй эдийн засгийн алдаатай бодлогуудын талаар бид багагүй ярьж, cануулж байлаа.
Харамсалтай нь биеэ тооcoн, нүд нь сохорсон, эрх мэдэлдээ эрдсэн Танай ЗГ одоо ч бодит үнэнийг ойлгохгvй байна.
Хямрал гуай ирдгээрээ ирлээ. Хэнээс ч асуухгүйгээр бидний хаалгыг тогшлоо.
Хямрал нь эрх баригчдыг бусолон мянган эгэл хүмүүсийг ажилгvй болгож, олон бизнесийг дампууруулж, олон зуун хөрөнгө оруулагчдыг Монголоос хөөн гаргаж байна.
Иймд үүcээд буй онцгой нөхцөл байдал биднээс эдийн засаг, улс төрийн онцгой эр зориг, ур ухаан, алсын хараа шаардаж байгаа тул доорх хэдэн саналыг таньд хүргүүллээ.
Эрхэм Ерөнхий Cайдаа.
1.Манай эдийн засгийн хямралын үндсэн нэг шалтгаан нь манай улс төрийн намуудын бодлогогvй амлалт, сонгуулиас сонгуулийн хооронд амь зуудагтай шууд холбоотой ба хавтгайрсан нийгмийн халамжаас үүдэлтэй гэж би үздэг.
Cүүлийн гуравхан жилийн дотор манай төр Чингис Бондтой тэнцэхvйц хэмжээний мөнгийг халамжинд тараалаа. Aмьдрал дээрдсэнгүй ээ.
Түүгээр ч vл барам энэ увайгvй бодлогын золиос болж Таван толгой, Эрдэнэт гэх мэт терийн өмчийн олон аж ахуйн нэгжvvд өр зээлэндээ баригджээ.
Шуудхан хэлбэл улс төрийн худал амлалт, хууран мэхлэлт нь манай эдийн засгийг элгээр нь хэвтvvллээ.
Иймд манай улс төрчид хавтгайрсан халамжийн бодлого, эдийн засгийн vндэслэлгvй амлалтуудаасаа татгалзаж, ард тvмэндээ vнэнийг хэлж, уучлал гуйх цаг болсон.
Монголчууд бид сонгуульд ялахын тулд бус амьдралд ялахын тулд терсөн гэдгээ ойлгох естой.
2.Мөн манай эдийн засгийн хямралын өөр нэг бодит шалтгаан бол "зуун ямаанд 60 ухна гэдэг шиг 3 caя хvрэхгvй хvн амтай Монгол оронд 16 яам, 18 сайд, 21 аймаг, 330 гаруй сум, 130 мянга гаруй төрийн албан хаагч тэжээдэг vр ашиг муутай, үрэлгэн, социалист хэв маягийн захиргааны тогтолцоо юм.
Өнөөдрийг хүртэл ний нуугvй хэлэхэд манай төсвийн зардлын 50 орчим хувийг захиргааны зардал эзэлсээр л байна.
Гэтэл хямрал биднээс төсвее хэмнэхийг, vрэлгэн бодлогоо зогсоохыг, захиргааны зардал, тансаг хэрэглээгээ хумьж, төрийн удирдлагын системээ цомхон оновчтой болгохыг шаардсаар байна.
Хямралын veд дэлхийн улс орнууд гол төлөв захиргааны зардлаа хэмнэх,терийн албан хаагчдын авдаг нэмэгдэл, урамшуулалыг хасах, алдагдалтай ажиллаж буй терийн емчит аж ахуйн нэгж компаниудыг хувьчлах, бvтээмжийг нь дээшлvvлэх чиглэлд илvvанхаарч ажилладаг. Иймд манай улс захиргааны реформоо яаралтай хийх нь эдийн засгийнхаа тогтвортой хегжлийг хангах суурь болно.
3.Эрхэм Ерөнхий сайдаа.
Бид хямралын шалтгааныг гаднаас бус дотроосоо хайх нь илvv зөв байх.
Хятадын эдийн засгийн өсөлт суларсан, MAН-ын үeд явуулж байсан бодлогын алдаа байгааг ойлгож байна.
Гэхдээ энэ бvхэн нь таны удирдаж буй ЗГ-ын гэнэн ойворгон, алсын хараагvй шийдвэрvvдийг өмгөөлөх шалтаг шалтгаан болох есгvй.
Ямар ч тодорхой төсөл хөтөлбөргүй, хөгжлийн алсын хараа нэгдсэн бодлогогvйгээрулс орныг удирдана гэдэг бол сайхан сэтгэлээр эх орноо хорлохтой адил гэдгийг миний бие таньд олон удаа сануулж байлаа.
Төсвөөc гадуурх мөнгөний хууль бус урсгал, зарцуулалт хирээс хэтэрч , эдийн засгийн аргаар бус захиргааны аргаар бизнесийн орчныг удирдах гэж хичээх нь өөрөө тэнэглэл юм.
Төсвийн алдагдал хуульд заасан 2 хувиас хэдийнээ хэтэрч, гадаад өр тэнгэрт тулж байгаа нь таны удирдаж буй ЗГ-ийн алдаа завхралтай шууд холбоотой.
Иймд олон жил дамнасан vр ашиг багатай хөрөнгө оруулалтуудыг зогсоож, захиргааны байгууллага, төрийн өмчит аж ахуйн нэгж бvрт санхvv, төсвийн хатуу сахилга бат тогтоох шаардлагатай байна.
4. Мөн танай ЗГ гадаад улс орнууд болон бизнесийн тvншvvдтэйгээ хэл амаа ололцох, ялангуяа хөрш орнуудтайгаа нягт хамтран ажиллах чадвар сул байгаа нь манай эдийн засгийн хямралын нэг том шалтгаан болж байгаа.
Иймд гадаадын хөрөнгө оруулалтыг хязгаарласан хууль, тогтоомжуудаа эргэн харах, яаралтай өөрчлөх, өдрөөс өдөрт унаж буй тегрегийн ханшийг тогтворжуулах, ханшийн савалгаанаас иргэдээ хамгаалах "валютын зохицуулалтын шинэ дэглэм тогтоох, хөрш орнуудтайгаа эдийн засаг, улс төрийн харилцаагаа шинэ тvвшинд яаралтай гаргах зайлшгvй шаардлагатай.
Мөн дэлхий даяарчлагдахын хирээр эдийн засгийн хямрал ч өнөөдөр өргөн цар хvрээтэй, байнгын давтамжтай болж байгааг бид анзаарах естой. Иймээс бид бусад улс орнуудын нэгэн хямралаас урьдчилан сэргийлэх, vндэсний эдийн засгийн тогтолцоогоо хамгаалах нэгдсэн стратеги боловсруулах шаардлагатай.
Эцэст нь дүгнэж хэлэхэд хямрал таньд алдаагаа засах, амьдралаа эргэн харах боломжийг олгож байна.
Таны aжилд өндөр амжилт хүcье.
УИХ-ын гишүүн Ж.Батзандан
