Говьд эр хүн болж төрснөөс хангай газрын бух байсан нь дээр гэсэн хэлц яагаад бий болсныг хотод төрж өссөн залуус төдий л ойлгохгүй байж мэднэ. Говьд амьдралын нөхцөл хангай газрыг бодвол маш хүнд байдаг юм аа гэж учирлавал дээрх хэлц ямар учиртайг гадарлах биз ээ. Тэгвэл Хятадад эр хүн болж төрснөөс эмэгтэй хүн байсан нь дээр гэж хэлж болохуйц нөхцөл байдал урд хөршид аль хэдийн бий болжээ.
Хятадын эдийн засгийн өсөлт барууны улсуудынхаас хавьгүй өндөр байна, дундаж давхаргынхны тоо өсөн нэмэгдэж байна. Эрчимтэй хотжиж байна. Дутуу юм бараг алга. Гэхдээ гаднаас импортлоод авчихаж болохгүй нэг чухал "түүхий эд" дутагдалтай байна. Энэ бол залуу эмэгтэйчүүд. Гэрлэх насны Хятад эрчүүдийн хувьд эхнэр авах нь ширүүн өрсөлдөөн болж хувирсан гэхэд огт хилсдэхгүй. Тодорхой жишээ авъя.
Дээрх зурган дээр байгаа залууг Пен Тай гэдэг. "Хайрын ангууч" –дын нэг тэрээр Шанхайд үйл ажиллагаа явуулдаг "Diamond Bachelors" агентлагт ажилладаг ажээ. Энэ агентлагт эхнэр хайсан олон зуун гоонь эрчүүд ханддаг байна. Гэхдээ тэд бүгд "зузаан түрийвчтэй" гэдгээрээ ялгарна. Учир нь "Diamond Bachelors" агентлагийн үйлчилгээг авахын тулд ямар үйлчилгээ авахасаа хамаараад 15.000 –аас 1 сая фунт стерлингийн хураамж төлөх ёстой байдаг.
Пен Тай бол загас барьж буй загасчны адилаар чинээлэг эрчүүдэд тохирох охидыг хайдаг нэгэн. Тэрээр тохиромжтой гэж үзсэн эмэгтэйг оллоо гэхэд тэр эмэгтэйг үйлчлүүлэгчид зориулан тусгайлан бэлдэх шаардлагатай байдаг байна. Пен Тайгийн орлого бүсгүйчүүдийг "найрах" чадвараас нь ихээхэн хамаардаг ч сайн ажиллавал олон мянган ам.долларын нэмэлт цалин авах боломжтой ажээ.
"Diamond Bachelors" –ийн нэг үйлчлүүлэгч алдарт жүжигчин Жан Зитэй адилхан эмэгтэйтэй танилцахыг хүсчээ. Харин өөр үйлчлүүлэгч болох үл хөдлөх хөрөнгийн салбарын нэгэн тэрбумтан танилцах бүсгүйгээ олохын тулд 9 хотод 10.000 эмэгтэйгээс ярилцлага авахад гарах зардлыг тус агентлагт төлсөн байна. Мэдээж гайхалтай эмэгтэйг олох ёстой гэж шаардсан нь тодорхой. Тэрбумтан залуу танилцах бүсгүйгээ 22-24 настай, Бээжин эсвэл Шанхай хотын шилдэг их сургуулиудын нэгийг магистрын зэрэгтэй төгссөн байх ёстой гэсэн шаардлагуудыг тавьжээ.
Хятадын чинээлэг эрчүүдэд сонголт ийм "өргөн" байгаа бол чинээлэг бус эрчүүдийн хувьд байдал эсрэг байна. Хятадын эдийн засаг сүүлийн хэдэн арван жилд өндөр хувиар өссөн нь сайн зүйл хэдий ч маш олон эрчүүд гэрлэх талаар бодохын ч хэрэггүй болжээ. Өнөө үед хүргэн хүү байр машин, сайн ажилтай байх ёстой гэсэн ерөнхий шалгуур үйлчлэх болсон.
Бээжинд ажилладаг инженер залуу Жан Жунфей нэг унтлагын өрөөтэй орон сууц авахын тулд 200 жилийн турш цалингаа хураах ёстой хэмээн ярьжээ. Гэхдээ энэ хугацаанд ууж идэхгүй байх ёстой. Түүний цалин ямар бага байгааг эндээс ойлгож болно.
Үүнээс гадна урд хөршид хот суурин газар амьдарч буй иргэдийн тоо өсч байна. Сүүлийн 10 жилийн хугацаанд 300 сая хүн хөдөө орон нутгаас хот суурин газрууд руу шилжжээ. Үүнээс болж хөгжил буурай, алслагдмал газруудад хүйсийн тэнцвэрт харьцаа хамгийн ихээр алдагдаж байгаа юм байна.
РАЛЬДИЙ.А /shuum.mn/
Хятадын эдийн засгийн өсөлт барууны улсуудынхаас хавьгүй өндөр байна, дундаж давхаргынхны тоо өсөн нэмэгдэж байна. Эрчимтэй хотжиж байна. Дутуу юм бараг алга. Гэхдээ гаднаас импортлоод авчихаж болохгүй нэг чухал "түүхий эд" дутагдалтай байна. Энэ бол залуу эмэгтэйчүүд. Гэрлэх насны Хятад эрчүүдийн хувьд эхнэр авах нь ширүүн өрсөлдөөн болж хувирсан гэхэд огт хилсдэхгүй. Тодорхой жишээ авъя.
Дээрх зурган дээр байгаа залууг Пен Тай гэдэг. "Хайрын ангууч" –дын нэг тэрээр Шанхайд үйл ажиллагаа явуулдаг "Diamond Bachelors" агентлагт ажилладаг ажээ. Энэ агентлагт эхнэр хайсан олон зуун гоонь эрчүүд ханддаг байна. Гэхдээ тэд бүгд "зузаан түрийвчтэй" гэдгээрээ ялгарна. Учир нь "Diamond Bachelors" агентлагийн үйлчилгээг авахын тулд ямар үйлчилгээ авахасаа хамаараад 15.000 –аас 1 сая фунт стерлингийн хураамж төлөх ёстой байдаг.
Пен Тай бол загас барьж буй загасчны адилаар чинээлэг эрчүүдэд тохирох охидыг хайдаг нэгэн. Тэрээр тохиромжтой гэж үзсэн эмэгтэйг оллоо гэхэд тэр эмэгтэйг үйлчлүүлэгчид зориулан тусгайлан бэлдэх шаардлагатай байдаг байна. Пен Тайгийн орлого бүсгүйчүүдийг "найрах" чадвараас нь ихээхэн хамаардаг ч сайн ажиллавал олон мянган ам.долларын нэмэлт цалин авах боломжтой ажээ.
"Diamond Bachelors" –ийн нэг үйлчлүүлэгч алдарт жүжигчин Жан Зитэй адилхан эмэгтэйтэй танилцахыг хүсчээ. Харин өөр үйлчлүүлэгч болох үл хөдлөх хөрөнгийн салбарын нэгэн тэрбумтан танилцах бүсгүйгээ олохын тулд 9 хотод 10.000 эмэгтэйгээс ярилцлага авахад гарах зардлыг тус агентлагт төлсөн байна. Мэдээж гайхалтай эмэгтэйг олох ёстой гэж шаардсан нь тодорхой. Тэрбумтан залуу танилцах бүсгүйгээ 22-24 настай, Бээжин эсвэл Шанхай хотын шилдэг их сургуулиудын нэгийг магистрын зэрэгтэй төгссөн байх ёстой гэсэн шаардлагуудыг тавьжээ.
Хятадын чинээлэг эрчүүдэд сонголт ийм "өргөн" байгаа бол чинээлэг бус эрчүүдийн хувьд байдал эсрэг байна. Хятадын эдийн засаг сүүлийн хэдэн арван жилд өндөр хувиар өссөн нь сайн зүйл хэдий ч маш олон эрчүүд гэрлэх талаар бодохын ч хэрэггүй болжээ. Өнөө үед хүргэн хүү байр машин, сайн ажилтай байх ёстой гэсэн ерөнхий шалгуур үйлчлэх болсон.
Бээжинд ажилладаг инженер залуу Жан Жунфей нэг унтлагын өрөөтэй орон сууц авахын тулд 200 жилийн турш цалингаа хураах ёстой хэмээн ярьжээ. Гэхдээ энэ хугацаанд ууж идэхгүй байх ёстой. Түүний цалин ямар бага байгааг эндээс ойлгож болно.
Үүнээс гадна урд хөршид хот суурин газар амьдарч буй иргэдийн тоо өсч байна. Сүүлийн 10 жилийн хугацаанд 300 сая хүн хөдөө орон нутгаас хот суурин газрууд руу шилжжээ. Үүнээс болж хөгжил буурай, алслагдмал газруудад хүйсийн тэнцвэрт харьцаа хамгийн ихээр алдагдаж байгаа юм байна.
РАЛЬДИЙ.А /shuum.mn/
