Орос улс 2014 оны өвлийн Сочийн Олимпид зориулсан 100 рублийн дэвсгэртийг эргэлтэд оруулах тухай Оросын төв банкны хэвлэлийн алба мэдээлэв. Түүнийг 20 сая ширхгээр хэвлэн гаргах юм. Нэг талд нь сноубордич, нөгөөд нь Олимпийн цэнгэлдэх хүрээлэн ба Жар-птица хэмээх шидит шувууг дүрслэжээ.
Олимпийн наадамд зориулсан анхны дэвсгэрт Хятадад гарсан билээ. 2008 оны Бээжингийн Олимпийн наадамд зориулан 10 юанийн дурсгалын дэвсгэртийг гаргав. Мөн Орос улс уламжлалыг дэмжихээр шийдвэрлсэн байна. Сочийн Олимпийн наадмыг нээх ёслол 2014 оны 2-р сарын 7-нд болох юм.