Нельсон Манделагийн шарилыг түүний өссөн газар болох Куну сууринд байдаг оршуулгын газарт нутаглууллаа. Оршуулгын ёслолд түүний эхнэр Граса Машел, ерөнхийлөгч Жэкоб Зума болон бусад ойр дотны хүмүүс нь оролцсон байна. Ёслолын үеэр Өмнөд Африкийн агаарын хүчний нисдэг тэргүүд болон тийрэлтэт онгоцууд нисч өнгөрсний зэрэгцээ цэргүүд ёслолын буудлага үйлджээ. Үүнээс өмнө улс төр болон шашны зүтгэлтнүүд Өмнөд Африкийн анхны хар арьст ерөнхийлөгчтэй салах ёс гүйцэтгээд байсан. Кунуд барьсан аварга том асарт Манделагийн шарилыг авчирсан бөгөөд асарт түүний хөргийг байрлуулж, өмнө нь түүний насыг бэлгэдэж 95 лаа асаасан байна. Хүний эрхийн төлөө цогтой тэмцэгч Нельсон Мандела 12-р сарын 5-нд 95 насандаа таалал төгссөн юм.

РАЛЬДИЙ.А /shuum.mn/