Амарч, алжаалаа тайлах зун цаг ажил, амжилтын эхлэл намарт халаагаа өгч байгаа энэ үед үндэсний хэмжээний хамгийн олон уншигч, захиалагчтай 7 хоног тутмын шилдэг сэтгүүл TV ZONE-ий шинэхэн дугаар уншигч таны гар дээр хүрэхэд бэлэн боллоо. Сэтгүүлийн хамт олон энэ удаад уншигчиддаа зориулан ямар мэдээ мэдээлэл бэлтгэснийг тоймлон хүргэе.   
Энэ удаагийн дугаарт УДЭТ-ын жүжигчин, Соёлын тэргүүний ажилтан Д.Ганцэцэгийг онцлон “Дугаарын зочин”-оор урьжээ. “Би жүжигчин болж чадах юм шиг...” хэмээх гарчгийн дор ярилцсан чин сэтгэлийн сонирхолтой ярилцлаганаас түүний дотоод ертөнцтэй танилцахаас гадна сүүлийн үеийн уран бүтээлийнх нь талаар TVZONE сэтгүүлээс унших боломжтой. 
Нийгэмд буглаж, бугишсан асуудлыг үзгээрээ, үгээрээ хөнддөг “ЭНЭ СЭДВЭЭР…” буланд “Ум мани бадмэ хум” хэмээх нийтлэл нийтлэгджээ. Уншигч та нэгийг бодож, хоёрыг тунгаах биз ээ. 
Уншигчдын маань талархлыг ихээр хүлээх болсон “Надад нэг асуулт байна” буланд иргэний хууль ямар харилцааг зохицуулдаг тухай, иргэний эрх зүйн чавдар, чадамж гэж юу болох, хэлцэл болон төлөөлөл гэж юуг хэлэх талаарх асуултыг манай уншигчид ирүүлжээ. Та бүхэн хариултаа хуулийн зөвлөхөөс авсан албан ёсны тайлбараас уншаарай. Бидэнд хандан, хариулт хэрэгтэй “нэг” асуултаа илгээсэн уншигч танд баярлалаа. 

Дэлхийд нэр алдар нь цуурайтсан олны танил хүмүүсийн амжилт, амьдралынх нь нууцыг хүргэдэг “Карьер” булангаараа  АНУ-ын 44 дэх ерөнхийлөгч Барак Обамагийн амьдрал болоод хэрхэн амжилтанд хүрсэн нууцыг “Барак Обама сайн жүжигчин” хэмээх гарчгийн дор дэлгэж байна.  
Орон гэрээ тохилог тухтай орчноор бүрдүүлэхийг хүсдэггүй хүн гэж үгүй. Тэгвэл “интерьер” булангаас та угаалгын өрөөний тансаг шийдлийг харах боломжтой юм.     
Түүнчлэн “Хараа булаам, өөртөө итгэлтэй амьдрахын нууц”, “Хайртай бол хартай юу?”, “Цөсний чулуу гэж юу вэ?”, “Энэ намар, өвлийн гоёл чимэглэлийн чиг хандлага” болон “Аминд хүрч байсан алмаз чулууны түүхээс” зэрэг олон сонирхолтой мэдээлэл манай сэтгүүлийн шинэ дугаарт багтсан учир оюуны цар хүрээгээ тэлэх амттай мэдээлэл дунд зугаацаарай.  
         Мэдээж бяцхан уншигч нартаа зориулсан үлгэр, оньсого, буддаг зургаас эхлээд сонжоонд дуртай сонжоочдын зугаа, үгийн сүлжээ, судоку, шидэт зураг гээд Зав гарлаа булан иж бүрнээрээ танд хүрч байна. “Зав гарлаа” буланд зочилдог уншигчиддаа энэ дугаарын судоку, үгийн сүлжээг хамтад нь зөв бөглөн ирүүлбэл “Тэнгис” кино театрт хосоороо кино үзэх эрх олгохоор болсон таатай мэдээ бидэнд байна. .  
         Долоо хоног тутмын сэтгүүлийн чухал мэдээллүүдээс гадна Монголын бүхий л телевизүүдийн хөтөлбөрүүд TV ZONE сэтгүүлийн шинэ дугаарт багтсан байгаа.  Мөн Оросын хамгийн сонирхолтой сувгууд ч бидэнд хөтөлбөрөө ирүүллээ.
TV ZONE сэтгүүлээ гэр бүлийнхээ гишүүн болгосон уншигч танд баярлалаа.