Нийслэлийн хүүхэд багачуудын шинэ жилийн баяр наадмыг өргөн хүрээтэй тэмдэглэн өнгөрүүлж, хүүхдийн идэвх санаачлагыг нэмэгдүүлж, оролцоог тэгш хангах зорилгоор нийслэлийн 500 гаруй хүүхдийг хамруулсан “Хүслийн шинэ жил” багт наадмыг зохион байгууллаа. Энэхүү багт наадамд хүүхдүүд өвлийн өвгөн аав, цасан охин, цаа бугын хамт дуулж бүжиглэн, хөгжөөнт уралдаан тэмцээнд оролцсон юм. Уг “Хүслийн шинэ жил” хүүхдийн багт наадам нь хүүхдүүдийн дуртай үлгэрийн баатар, хүүхэлдэйн кино, олны танил гэх мэт дүрд хувирч оролцсоноороо бусад шинэ жилээс онцлогтой болж байна.  Дүүрэг бүрээс төлөөлөл болсон хүүхэд багачууд мөн нийслэлийн халамж, асрамжийн төвд амьдарч байгаа болон хүнд нөхцөлд амьдарч буй хүүхдүүдийн төлөөлөл  үлгэрийн баатруудын дүрд хувиран оролцсон юм. Энэ үеэр хөгжөөнт уралдаан тэмцээн зохион байгуулж, идэвхитэй оролцсон хүүхдүүдэд гарын бэлэг гардуулж, багт наадмын “Ханхүү-Гүнж” шалгаруулсан олон олон сюрпризээр дүүрэн шинэ жил боллоо гэж Нийслэлийн Хүүхэд, гэр бүл хөгжлийн газраас мэдээллээ.