Нийгмийн сүлжээний хамгийн том вэбсайт болох “Facebook” -ийг үүсгэн байгуулагч Марк Закерберг болон түүний гэргий Присцилла Чан нар өнгөрсөн онд хамгийн их хөрөнгийг буяны үйлст зориулсан хүмүүсээр тодорчээ. Залуу хос 2013 оны АНУ-ын шилдэг филантрофичдоор нэрлэгдэхээсээ өмнө “Facebook”-ийн 18 сая хувьцааг "Silicon Valley Community" санд хандивласан байна. Закербергийн энэхүү хандивыг мөнгөн дүнд шилжүүлбэл 970 сая ам.доллар бөгөөд энэ нь АНУ-д өнгөрсөн онд олгогдсон хамгийн том хандивт тооцогдож байгаа талаар “The Chronicle of Philanthropy” сонин мэдээлэв. Харин “Microsoft” корпорацийг үндэслэгч, тэрбумтан Билл Гейтс болон түүний гэргий Мелинда Гейтс нар өнгөрсөн 2013 онд буяны сандаа 181.3 сая ам.доллар хандивлажээ.

РАЛЬДИЙ.А /shuum.mn/