Google компани хэрэглэгчийн орчин тойрныг газрын зургийг 3 хэмжээст байдлаар бүтээх програм, техникийн хүчин чадал бүхий ухаалаг гар утасныхаа анхны загварыг танилцууллаа. Тусгай мэдрэгчүүд бүхий энэхүү утас нь секунд бүрт 250 мянга гаруй удаа хэмжилт хийж, байршлын мэдээллийг шууд шинэчилдэг байна. Үүнээс гадна харааны бэрхшээлтэй хүмүүст мэдэхгүй барилга байшин дотор зүг чигээ олоход нь туслах аппликейшнийг шинэ утсанд суулгаж магадгүй байгаа талаар BBC мэдээлэв.

Google-ийн "Advanced Technology and Projects" салбарын судлаачид "Project Tango" нэртэй төслийн хүрээнд бусад байгууллагуудын эрдэмтдийн туслалцаатайгаар ухаалаг утсыг бүтээжээ. Google компани Google Glass хэмээх ухаалаг нүдний шилээ танилцуулаад байгаа бөгөөд шилийг энэ оны эцсээр худалдаанд гаргахаар төлөвлөөд байгаа юм. Компанийн зүгээс түүнчлэн нулимсан дахь глюкозийн хэмжээг тодорхойлдог ухаалаг контакт линз бүтээхээр ажиллаж байгаа талаараа энэ оны эхээр мэдээлсэн билээ.

РАЛЬДИЙ.А /shuum.mn/