“Харанга” хамтлагийн 25 жил болж буйг тохиолдуулан хамтлагийн гишүүд бие даасан уран бүтээлээ туурвиж буй бөгөөд дуучин, СТА Х.Лхагвасүрэн “Монгол ээж” шинэ цомгийн баяр болгож бүх сайхан ээжүүддээ зориулан 3 сарын 5,6-нд амьд тоглолтоо хийхээр боллоо. Тоглолтонд “Харанга” хамтлаг бүрэн бүрэлдэхүүнээрээ оролцох бөгөөд ээжийн тухай олон сайхан дуутай, поп дива МУГЖ Т.Ариунаа болон МУСТА Х.Оюунбилэг нар урилгаар оролцох юм.

        “Монгол ээж” амьд тоглолтонд түүний шинэ шинэ цомогт орсон дуунууд төдийгүй хит болсон дуунууд дуулагдах юм. Монголын үндэсний АСА циркт болох тоглолтын ерөнхий зохион байгуулагчаар “Брос рекордс”, “Music&Love”, “Jojo’s toys”, зохион байгуулагчаар “Desoft media”, “New star”студи, Монголын үндэсний цирк, www.easyticket.mn ажиллаж байгаа бол тоглолтын продюсераар МУСТА М. Болд, найруулагчаар МУСТА Д. Лхагвадорж нар ажиллаж байна. Хөгжимчдийн бүрэлдэхүүн Монголын шилдэг уран бүтээлчдээс бүрдсэн. Үүнд: Никитон хамтлагийн гитарчин МУСТА Д. Өлзий-Орших, Соёл-Эрдэнэ хамтлагийн бөмбөрчин МУСТА  Б. Цолмон, New star студи даралтат хөгжимчин МУСТА С.Гантөр,  Bro’s records хөгжмийн зохиолч, даралтат хөгжимчин МУСТА Г.Онон, Никитон хамтлагийн басс гитарчин МУСТА  Г.Буян-Өлзий нар оролцоно.
      Тоглолтын тасалбар 40 мянган төгрөгний үнэтэй бөгөөд www.easyticket.mn сайтаар худалдаалагдах бөгөөд 1199 дугаарт холбогдож үнэгүй хүргэлтийн үйлчилгээг авах боломжтой юм. Ингээд та бүхэндээ Х.Лхагвасүрэнгийн "Эхийн ач" дууны шинэхэн клипийг хүргэж монголын сайхан ээжүүдээ магтан дуулах “Монгол ээж” тоглолтонд хүрэлцэн ирэхийг урьж байна.