Өнгөрсөн онд улсын төсвөөс болон дүүргийн орон нутгийн хөгжлийн сангаас 798.000.960 төгрөгийн санхүүжилтээр Сүхбаатар дүүргийн 1-20 дугаар хорооны нутаг дэвсгэрийн 125 цэгт 250 камерын систем суурилуулахаар болжээ.
Тэгвэл 2013 оны арваннэгдүгээр сарын 6-наас гүйцэтгэлийн ажил эхэлж, энэ оны тавдугаар сарын 1-нд ашиглалтад оруулж Сүхбаатар дүүргийн Цагдаагийн нэгдүгээр хэлтэст хүлээлгэн өгчээ.
Тус хэлтсийн хариуцсан 1-9 дүгээр хорооны гэмт хэрэг, зөрчил ихээр гардаг гудамж талбай, олон нийтийн газрын 74 цэгт 148 камерын системийг суурилуулж гэмт хэргийг түргэн шуурхай илрүүлэх, таслан зогсоох, урьдчилан сэргийлэх боломжтой болж байна.
