Монгол Улсын Ерөнхийлөгч Цахиагийн Элбэгдорж Шүүгчийн эрх зүйн байдлын тухай хуулийн 15 дугаар зүйлийн 15.1, 15.4 дэх заалтыг тус тус үндэслэн зарлиг буулгаж дараах хүмүүсийг шүүгч, Ерөнхий шүүгчийн албан тушаалд томиллоо.
Зарлигт, Жамсранжавын Эрдэнэчимэгийг дүүргийн Иргэний хэргийн анхан шатны хоёрдугаар шүүхийн Ерөнхий шүүгчийн албан тушаалд; Буянтогтохын Сугиржавыг Захиргааны хэргийн анхан шатны есдүгээр шүүхийн Ерөнхий шүүгчийн албан тушаалд; Гончигсумын Сарантуяаг Сум дундын 22 дугаар шүүхийн Ерөнхий шүүгчийн албан тушаалд; Лхүндэвийн Наранбаярыг Иргэний хэргийн давж заалдах шатны нэгдүгээр шүүхийн Ерөнхий шүүгчийн албан тушаалд; Пандийн Долгормааг Иргэний хэргийн давж заалдах шатны гуравдугаар шүүхийн шүүгч, Ерөнхий шүүгчийн албан тушаалд; Бадамдоржийн Ариунбаярыг Иргэний хэргийн давж заалдах шатны тавдугаар шүүхийн Ерөнхий шүүгчийн албан тушаалд; Буурайн Баттөрийг Иргэний хэргийн давж заалдах шатны есдүгээр шүүхийн шүүгч, Ерөнхий шүүгчийн албан тушаалд; Пунцагийн Золзаяаг Иргэний хэргийн давж заалдах шатны 10 дугаар шүүхийн Ерөнхий шүүгчийн албан тушаалд; Нодын Болормааг Эрүүгийн хэргийн давж заалдах шатны хоёрдугаар шүүхийн Ерөнхий шүүгчийн албан тушаалд; Тогооборын Бямбажавыг Эрүүгийн хэргийн давж заалдах шатны гуравдугаар шүүхийн Ерөнхий шүүгчийн албан тушаалд; Лувсаншаравын Даваасүрэнг Эрүүгийн хэргийн давж заалдах шатны 10 дугаар шүүхийн Ерөнхий шүүгчийн албан тушаалд; Бямбаагийн Мөнхтуяаг Захиргааны хэргийн давж заалдах шатны шүүхийн Ерөнхий шүүгчийн албан тушаалд тус тус томилов хэмээсэн байна.
Ерөнхий шүүгчдийг томилон, үнэмлэх гардуулах үеэр Монгол Улсын Ерөнхийлөгч хэлсэн үгэндээ “Шүүгчээр ажиллаж буй хүний хамгийн эрхэм үүрэг бол хүний эрх, эрх чөлөөг ханган хамгаалах баталгаа байх ёстой, хуулийн дагуу, хараат бусаар, ёс зүйтэй шударга шийдвэр гаргах нь хүний эрхийг хамгаалах гол зарчим юм” хэмээжээ.
