ДАШТ-ээс шигшээ баг нь хасагдсны дараагаар Португалын алдарт мэргэжилтэн Мануэл Хосе багийн ахлагч Криштиану Роналдуг шүүмжилсэн ярилцлагыг өгчээ. Тэрээр Роналдуг ДАШТ дуусахаас өмнө багийнхаа талаар ярьсан ярианд эгдүүцсэнээ илэрхийлжээ.

“Би Роналдуг гайхалтай тоглогч гэдгийг мэднэ, түүний ур чадварт хэзээ ч эргэлзэж байгаагүй. Гэвч тэр хэзээ юу ярихаа огтхон ч мэдэхгүй”

“Эцсийн эцэст тэр багийнхаа андуудад, өөрийн багийнхандаа хэзээ ч итгэж байгаагүй, итгэдэггүй талаараа хэлжээ. Ийм зүйл байж болох уу? Хэрвээ тэр багийнхандаа итгэхгүй байхад багийнхан нь түүнд итгэнэ гэж үү?

“Тэр яг л хуурамч алмааз мэт. Гаднаасаа гялалзаж, гялтганах хэрнээ яг цагаа тулаад ирэхээр тар нь танигдаж байна. Үнэхээр харамсалтай” хэмээн ярьжээ.

Роналду АНУ-тай хийсэн тоглолтын дараагаар багаа ДАШТ-д түрүүлнэ гэдэгт итгэлтэй биш байгаагаа ярьж, дундаж баг хэмээн тодорхойлсон билээ.