Умард Солонгосын арми зүүн эргээс хоёр пуужин далай руу харвасан гэж Өмнөд Солонгосын тал мэдээллээ. Өмнөдийн батлан хамгаалах яам энэ талаар дэлгэрэнгүй мэдээлэл өгөөгүй ч Yonhap агентлаг Р-11 төрлийн, 500 км-ийн тусгалтай пуужин харвасан гэж дамжуулжээ. Энэхүү туршилтаас хэдэн өдрийн өмнө Пхеньян нарийвчилсан тусгалтай шинэ пуужингуудаа харвасан байна. 

Хойд Солонгосын ойрын холбоотон Хятадын ерөнхийлөгч Ши Жиньпин Өмнөд Солонгост айлчлах бөгөөд айлчлалынхаа үеэр Умардын цөмийн зэвсгийн хөтөлбөрийн асуудлыг хэлэлцэх ажээ. БНАСАУ нь 2006, 2009, 2013 онд тус тус цөмийн туршилт явуулсан бөгөөд цөөн тооны цөмийн бөмбөг үйлдвэрлэх хангалттай материал тус улсад бий гэж үздэг. Гэхдээ пуужингаар тээвэрлэхэд тохирохуйц жижиг хэмжээтэй цөмийн цэнэгт хошууг үйлдвэрлээгүй байгаа гэж ажиглагчид үзэж байна.

РАЛЬДИЙ /shuum.mn/