Хайртай бүсгүйдээ цэцэг бэлэглэдэг ёс анх гэгээн Валентины үед үүссэн ч гэдэг. Юутай ч орчин үед цэцэг нь хайр сэтгэлээ илэрхийлэх залуусын нэгэн зэвсэг болсон байна. Мөн өгч байгаа цэцгээр нь тухайн эмэгтэйдээ хэрхэн хандаж буйг нь мэдэх боломжтой гэдгийг эрчүүддээ анхааруулж байна. САРНАЙ: Энэ цэцэг хайр сэтгэл, гоо үзэсгэлэнгийн бэлэг тэмдэг байсан, цаашид ч байсаар байх ч болно.

САРНАЙ: Энэ цэцэг хайр сэтгэл, гоо үзэсгэлэнгийн бэлэг тэмдэг байсан, цаашид ч байсаар байх ч болно. Иймд нас үл харгалзан ямар ч эмэгтэйд сарнай цэцгийн цоморлиг бэлэглэх нь хамгийн зохистой юм.

ЯГААН САРНАЙ: Дэлбээлээгүй ягаан сарнайн цоморлигийг орь залуу эмэгтэйд бэлэглэвэл илүүтэй тохирно.

ХҮРЭН УЛААН САРНАЙ: Дунд насны эмэгтэйд бэлэглэвэл тохиромжтой.

ШАР САРНАЙ: Энэ цэцгийг гэр бүлийн аз жаргалын тэмдэг тул эхнэртээ бэлэглэдэг.

ХАР САРНАЙ: Энэ цэцэг бол онцгой бэлэг тэмдэг юм. Үнэхээр таны бишрэл, баяр бахдалыг төрүүлсэн тийм эмэгтэйд энэ цэцгийг бэлэглэж болно. Гэхдээ нэг л нөхцөлтэй. Хар өнгийн цэцгийг хүн бүр ойлгон хүлээн авах чадваргүй байдаг тул сонгосон эмэгтэй тань эдгээд зантай, этгээд сонин байдлаар сэтгэдэг, бас тэгж амьдардаг байх ёстой.

АЛТАНЗУЛ ЦЭЦЭГ: Энэ цэцэг бол залуу бүсгүйчүүдэд зориулсан ялдам хайрын илэрхийлэл юм. Хэрэв та гэргийдээ алтанзул бэлэглэвэл цоморлигт гамба цэцгийн мөчир нэмж хийгээрэй.

ЛИШ ЦЭЦЭГ: Энэ цэцгийг гол төлөв эрчүүдэд бэлэглэдэг. Улаан өнгөтэй лиш цэцэг нь таашаал, эр зориг, хүч чадлыг бэлэглэдэг. Хэрэв та дарга эмэггэйдээ лиш цэцгийн цоморлиг бэлэглэхээр шийдвэл хурц, тод алаг эрээн өнгөнөөс бүрэлдүүлээрэй. Ингэвэл таны талархлыг хүлээж байдгийг дарга тань мэдэрнэ.