Гарын үсэг зурах ажиллагаанд тус банкийг үүсгэн байгуулагч гишүүн орон болох Бангладеш, Бруней, Камбож, Энэтхэг, Индонез, Казахстан, Кувейт, Лаос, Малайз, Монгол, Мьянмар, Непал, Оман, Пакистан, Филиппин, Катар, Хятад, Сингапур, Шри Ланк, Тайланд, Узбекистан, Вьетнамын төлөөлөгчид оролцов.
Уг санамж бичигт Монгол Улсын Засгийн газрын өмнөөс Монгол Улсаас БНХАУ-д суугаа Онц бөгөөд Бүрэн эрхт Элчин сайд Ц.Сүхбаатар гарын үсэг зурав.
Гарын үсэг зурсантай холбогдуулан үүсгэн байгуулагч гишүүн 22 орны төлөөлөгчдийн тэргүүн нарыг БНХАУ-ын дарга Си Зиньпин хүлээн авч уулзав.
Энэхүү банкийг байгуулснаар Азийн хөгжиж буй улс орнуудын дэд бүтцийн салбарт шаардагдах хөрөнгийн эх үүсвэрийг бий болгох, хөрөнгийн зарцуулалтыг илүү үр өгөөжтэй ашиглаж цаашид улам өргөжүүлэх, Азийн орнуудаас гадагш чиглэсэн мөнгөний урсгалыг багасгах зэргээр бүс нутгийн хөгжилд чухал түлхэц өгөх нэн чухал холбогдолтой юм.
