Малчид, ард иргэдэд зориулсан мэдээ: Өнөөдөр нутгийн зүүн хагаст хүйтэн салхитай байна.

Өнөөдөр  08 цагаас 20 цаг хүртэл  ихэнх нутгаар үүлшинэ. Баруун зүгийн нутгийн баруун болон төвийн нутгийн баруун хойд хэсгээр бага зэргийн цас орно. Салхи баруун хойноос секундэд 5-10 метр, говь, талын нутгаар секундэд 12-14 метр хүрч ширүүснэ. Хангай, Хөвсгөл, Хэнтийн уулархаг нутаг, Сэлэнгэ, Хараа, Ерөө, Онон, Улз, Халх голын сав газраар 1-6 хэм хүйтэн, говийн нутгийн баруун хэсгээр 5-10 хэм, баруун зүгийн нутгаар 1-6 хэм дулаан, бусад нутгаар 2 хэм хүйтнээс 3 градус дулаан байна.

УЛААНБААТАР ХОТ: Үүлшинэ. Цас орохгүй. Салхи баруун хойноос секундэд 5-10 метр. 0 хэм орчим байна.

Өглөө 05 цагт Улаанбаатарт: 5 хэм хүйтэн, харьцангуй чийг 62 хувь, агаарын даралт 873 гектопаскаль байлаа. Даралт өдөртөө тогтвортой байна.

2014 оны арваннэгдүгээр сарын 07-ноос 2014 оны арваннэгдүгээр сарын 11-нийг хүртэлх
цаг агаарын урьдчилсан төлөв

Арваннэгдүгээр сарын 9-нд баруун зүгийн нутгийн зарим газар, төвийн нутгийн хойд хэсгээр, 10-нд баруун зүгийн нутгийн зүүн хэсэг, төв, зүүн зүгийн нутгийн зарим газраар цас орно. Салхи 8-нд Алтайн салбар уулсаар, 9, 10-нд зарим газраар секундэд 12-14 метр хүрч шороон болон цасан шуурга шуурна. Хангай, Хөвсгөлийн уулархаг нутаг, Хараа, Ерөө, Хэрлэн, Онон, Халх голын саваар шөнөдөө 12-17 хэм хүйтэн, өдөртөө 1 хэм хүйтнээс 4 хэм дулаан, говийн бүс нутгийн өмнөд хэсгээр шөнөдөө 1-6 хэм хүйтэн, өдөртөө 6-11 хэм дулаан, бусад нутгаар шөнөдөө 6-11 хэм хүйтэн, өдөртөө 3-8 хэм дулаан байна. 9-нд баруун зүгийн нутгаар, 10-нд нутгийн хойд хэсгээр хүйтэрнэ.