09:00 цагт Нийслэлийн Засаг дарга Э.Бат-Үүл нийслэлд хэрэгжүүлж байгаа зарим авто замын ажил буюу Өлзийт хорооллоос шувуун фабрик чиглэл, Биокомбинат – Шувуун фабрик чиглэлийн замын ажлын явцтай танилцаж, иргэдтэй уулзах үеэр дагалдах сэтгүүлчдэд зориулсан автобус Хангарьд ордны баруун талаас хөдлөнө. Утас 99666553
09:00 цагт Ус, орчны ариун цэвэр, эрүүл ахуйн 5 дахь удаагийн форум Чингис зочид буудлын хурлын зааланд эхэлнэ.
09.00-15.00 цаг хүртэл намрын адаг сарын шинийн 15 буюу дүйчэн өдөрт зориулан МБШТөв Гандантэгчэнлин хийдэд "Сандуйн Жүд" хурна.
10:00 цагт "Улаанбаатар хотын хөгжилд нийгмийн ажилтны оролцоо" шилдэг багийг шалгаруулах уралдаан Нийслэлийн Улаанбаатар Чуулгын байранд болно. Утас: 91059098
10:00 цагт Төв аймгийн Угтаалцайдам суманд Сум дундын 23-р шүүхийн нээлттэй шүүх хуралдаан болно. Хуралдаанаар ЭХ-ийн 145-р зүйлийн 145.3 хэсэгт зааснаар эрүүгийн хэрэг үүсгэн шалгасан шүүгдэгч Ц. М. Б. Б нарт холбогдох иргэдийн олон тооны малыг удаа дараагийн үйлдлээр хулгайлсан хэргийг нээллттэй шүүн таслана. Шүүгдэгч Ц нь тус сумын харьяат мянгат малчин ажээ.
10:30 цагт Монголын хүүхдийн ордонд Сүхбаатар дүүргийн Сургуулийн насны хүүхдэд замын хөдөлгөөний дүрмийн мэдлэг олгох, замын хөдөлгөөнд аюулгүй оролцох дадал эзэмшүүлэх, замын хөдөлгөөний аюулгүй байдлын эсрэг гэмт хэрэг, ослоос урьдчилан сэргийлэх зорилгоор ерөнхий боловсролын сургуулийн сурагчдын дунд уламжлал болгон зохион явуулдаг “Ногоон гэрэл-цагаан шугам-2014” тэмцээн дүүргийн Ерөнхий боловсролын 11 сургуулийн дунд зохион байгуулагдана. Утас 99767480
11:10 цагт “Хүсэл зорилгоо нэгтгэе” хөдөлгөөнөөс Засгийн газар огцорсонтой холбогдуулан "Зууны мэдээ" сонины Үндэсний мэдээллийн төвд мэдээлэл өгнө.
11:30 цагт “Алунгоо хатан эхийн эв эеийн сургааль-Монгол төрийн хөгжлийн бодлогын суурь сургааль болох нь” гэсэн сэдвээр "Алунгоо" экологи сэтгүүлээс “Монголньюс” Мэдээллийн төвд мэдээлэл хийнэ. Утас: 98113842
12:00 цагт "Монголньюс" мэдээллийн төвд Азийн элсний наадамд оролцох гэж байгаа сагсан бөмбөгийн эрэгтэй, эмэгтэй шигшээ баг бүрэн бүрэлдэхүүн хэвлэлийн хурал хийж МҮСБХ-ноос тэднийг олон улсын тэмцээнд оролцохыг хориглосон талаар мэдээлэл өгнө.
12:00 цагт Ерөнхий сайд огцорсонтой холбогдуулан Ардчилсан намын жигүүрийн 10 гишүүн Хэвлэлийн Хүрээлэнд мэдээлэл хийнэ.
12:30 цагт МЗХ-ноос энэ сарыг 16 настнуудын сар болгон зарлаж байгаа талаар "Зууны мэдээ" сонины Үндэсний мэдээллийн төвд мэдээлэл өгнө.
13:00 цагт ҮХААЯ-ны хурлын танхимд "Хонины үржлийн стратеги" сэдэвт чуулган болно. Манай улсад хамгийн олон тооны мал болох хонин сүргийн талаар баримтлах төрийн бодлого, эдийн засгийн ач холбогдол, экспорт, импорт, үржлийн стратегийг салбарын эрдэмтэн мэргэжилтнүүд хэлэлцэнэ. Утас: 88603010
14:00 цагт Монгол дахь Европын Холбооны дипломат Төлөөлөгчийн газруудын тэргүүнүүд Монгол Улс дахь хүний эрхийн асуудлаар ХЭҮК-той хийх уулзалт Засгийн газрын XI байрны хурлын танхимд болно. Утас: 262902, 88110311.
18:00 цагт Номонд шимтэгчдийн холбооноос зохион байгуулж буй "Нийлэх бодлын өнгө" сонгодог үдэш "Blue moon" artgallery-д болно.
