Энэтхэгийн Дарамсала хотноо “Алсын удирдлага” киног энд зохиогдсон олон улсын кино наадамын үеэр олон нийтэд сонирхуулав. Кино наадамд Энэтхэг, Монгол, Франц, Арабын Эмират, Испани, АНУ, Канад, Швейцари, Финланд, Ливан, Герман, Өмнөд Солонгос, Хятад, Аргентина, Польш, Швед зэрэг орны 40 гаруй уран бүтээлийг үзэгчдийн хүртээл болгов.

“Алсын удирдлага” киноны найруулагч С.Бямбаа тус наадамд өөрийн биеэр очсоноос гадна Монгол Улсаас Энэтхэг Улсад суугаа онц бөгөөд бүрэн эрхт Элчин сайд С.Баяраа хүндэт зочноор оролцлоо. Пусаны олон улсын кино наадмын “Шинэ давалгаа” төрөлд тэргүүн шагнал хүртсэн “Алсын удирдлага” кино тус хотод ажиллаж амьдардаг монгол иргэд болон нийт үзэгчидийн  зүгээс өндөр үнэлэгээ авав.